影片
更多
2016-05-22
4618 瀏覽
甚少機會踏足新蒲崗，今晚到鑽石山探朋友，之後一齊前往附近的九龍貝爾特酒店歎自助餐！沙律Salad bar 有粟米、青瓜、蕃茄、茄子、羅馬生菜等材料，每樣都色澤光鮮。樣樣要D，再加幾片cold cut 凍火腿及芝士已經有大大碟沙律！蔬菜類都算新鮮，羅馬生菜如預期般爽甜。凍肉就一般，試1－2片就OK，留肚食其他。湯中式雪蓮象跋蚌燉湯：原個小燉盅置於大大蒸籠內，保持熱騰騰。燉湯材料豐富，幾乎放滿整個小燉盅。湯頭濃郁香甜，雪蓮吸收了湯的味道精華，食落軟綿綿，最好味！西式龍蝦湯：蝦味濃厚得有㸃過咸，而且稠得似伴意粉的醬汁，淺嚐已經很飽肚。海鮮每次食自助餐，我都主攻海鮮。刺身：有三文魚、呑拿魚、八爪魚、帶子、甜蝦等。刺身置於雪櫃冷藏，客人點選心頭好後，由師傅切片放入客人的碟子，比較衛生。我選了呑拿、帶子及甜蝦。刺身水準中等，呑拿魚食味甘香，可惜肉質較鬆散。帶子及甜蝦就淡口咗啲，平時我食剌身都會「走色」，今次都點了些豉油「助陣」。生蠔：餐廳安排了師傅即開法國 Fine de clair 生蠔。好欣賞呢個安排，可確保生蠔品質新鮮衛生。Fine de clair 係我喜愛的生蠔，入口嫰滑，味道回甘，平衡
沙律Salad bar 有粟米、青瓜、蕃茄、茄子、羅馬生菜等材料，每樣都色澤光鮮。樣樣要D，再加幾片cold cut 凍火腿及芝士已經有大大碟沙律！蔬菜類都算新鮮，羅馬生菜如預期般爽甜。凍肉就一般，試1－2片就OK，留肚食其他。
湯中式雪蓮象跋蚌燉湯：原個小燉盅置於大大蒸籠內，保持熱騰騰。燉湯材料豐富，幾乎放滿整個小燉盅。湯頭濃郁香甜，雪蓮吸收了湯的味道精華，食落軟綿綿，最好味！
西式龍蝦湯：蝦味濃厚得有㸃過咸，而且稠得似伴意粉的醬汁，淺嚐已經很飽肚。
海鮮每次食自助餐，我都主攻海鮮。
刺身：有三文魚、呑拿魚、八爪魚、帶子、甜蝦等。刺身置於雪櫃冷藏，客人點選心頭好後，由師傅切片放入客人的碟子，比較衛生。我選了呑拿、帶子及甜蝦。刺身水準中等，呑拿魚食味甘香，可惜肉質較鬆散。帶子及甜蝦就淡口咗啲，平時我食剌身都會「走色」，今次都點了些豉油「助陣」。
生蠔：餐廳安排了師傅即開法國 Fine de clair 生蠔。好欣賞呢個安排，可確保生蠔品質新鮮衛生。Fine de clair 係我喜愛的生蠔，入口嫰滑，味道回甘，平衡了海水味。一般西餐廳要賣$50-60一隻Fine de clair，食到半打已經大概「回本」！
其餘凍盤有：青囗、熟蝦、翡翠螺、長腳蟹。餐廳添補海鮮速度都幾快，幾個海鮮凍盤都keep住「盤滿缽滿」。4款海鮮都較淡味，1隻起2隻止，沒有太大意慾encore。
芝士焗小龍蝦半隻：食完冷盤就試熱食。每位客人會獲贈半隻焗小龍蝦，食完係冇得添嘅！龍蝦仔有好多甘香蝦羔，家中2大長老好滿意。我就覺得蝦肉實咗啲，似係熟過火，然而，調味可口，都好食。
油鹽水沙白：沙白（蜆）太細隻，幾乎嚐不到其味。反之油鹽水湯就幾好飲，我用嚟浸灼莱。其餘熱盤有：白酒青囗、薑䓤炒蟹、海鮮炒飯，家鄉炆米，龍蝦意大利飯等。味道達標，沒有出事，也沒有驚喜。轉戰其他「檔口」。
燒烤
我對肉食的興趣不大，只試了燒牛肉、豬肋骨和羊架。牛肉肉味濃，燒熟得剛剛好令質地軟腍，如果可保留更多肉汁效果更佳。豬肋骨都好腍，腍到可以用湯匙弄手撕豬肉，味道就一般啦。最欣賞羊架，燒得恰到好處，保持肉色粉紅，口感腍之餘有嚼頭，加上羊肉味道香而不羶，很好！
地道小食有別於其他自助餐，餐廳有不經意地滲入香港特式小食，而且做得不錯。對遊客而言，地道小食似乎比其他熱盤更吸收！
咖哩魚蛋＋魚肉燒賣：咖哩汁香辣，入味至魚蛋中心，質地爽口，正過其他主菜！魚肉燒賣是正常水準，由於是美好的兒時回憶，所以我食得開心加晒分！
山渣餅＋陳皮梅：甜品檔有2個大玻璃樽，分別裝滿獨立包裝的小筒山渣餅及陳皮梅。2個長老見到此懷舊小食都顯得興奮，拿了幾粒回到座位介紹比2個細B！我唔好「口立濕」，冇試到。睇「老＆細」食到笑曬口，不停添食，可想而知應該幾好味！
粥麪
自選粥品有：鯪魚球、碎牛肉、雜菌等材料，當中最勁係蟹粉。食自助餐的優勢就係可以將自己想要嘅材料配撘共冶一爐，而不會被批評古怪。所以，我請師傅將上述食材煮進粥裡！粥底是稠的，都好滑口，偏向味淡，剛好可以襯托唔同配料，唔會嗆喉。蟹粉最霸氣，整碗粥以蟹香為主，味道甘香。其他配材就中規中矩啦！（小朋友就最欣賞送粥的脆脆！）
越南粉：配料以生牛肉和扎肉為主，食味達應有水準。
甜品
豆腐花：用大木桶盛著豆花，保持微暖。豆花是一般滑口，豆味香，我食完一碗再添一碗！
西米焗布甸：微暖的布甸，不會太甜。表面焗得焦香，正！
芒果拿破倫、雲石芝士蛋糕、芒果布丁、牛奶布丁：拿破倫的餅皮夠脆，中間夾著嘅custard就唔夠軟滑，芒果好甜。芝士蛋糕味道香濃，如口感再細滑啲會更好。2款布丁最好味！布丁滑溜，甜味恰到好處，細細杯可以食多幾杯！
玩樂自助餐範圍附近設有康樂區，有：桌球、足球機、Board games 棋類遊戲、幾台電腦提供上網服務。食得飽飽地，幾個friends去玩吓嘻哈吓，氣氛一流。小朋友仲開心，玩吓又食吓，唔洗好似一般用餐要坐定定2－3個鐘，大人都輕鬆啲！
飯敘係聯誼活動，食物質素及餐廳環境舒適故然重要，另外，我也很重視用餐氣氛。見到家中大細食得開心，玩得盡興，相處螎洽，是愉快的經驗！
張貼
