DAY22 STEAK

營業中

休息中

今日收工唔知食咩好，經過附近發現有間新開既餐廳，專食石燒牛扒，裝修睇落幾舒服，好似唔錯！✨酥皮餐湯酥皮薄脆，烘焙得金黃色，佢嘅質感酥脆，內裡又鬆軟。而餐湯方面，係creamy既蘑菇湯，味道唔算特別。不過將酥皮會浸落湯一齊食。當熱湯流入酥皮內部，酥皮會漸漸軟化，吸收湯汁同時保持住酥脆嘅質感。✨Prime西冷牛扒+Prime肉眼扒每日限量5份咋，好好彩我地食到！呢到石燒方式係燒熱鐵板，再將西冷扒放喺上面燒烤，令扒肉保持肉汁同嚼勁。西冷扒燒至剛剛好嘅火候，表面金黃，內裡嘅肉質鮮嫩多汁，每一口都帶嚟濃郁嘅牛肉香味。而肉眼扒嘅肉質更加嫩滑，有啲肥美嘅油花，令扒肉更加多汁。石頭嘅高溫仲可以帶嚟一啲微微嘅焦糖化味道，增加扒肉嘅香氣同層次感。而呢到仲有幾款牛油可以，例如蒜香、黑松露、鵝肝等，令到塊扒既香氣更突出！✨意粉&薯條&甜品意粉同薯條既份量都幾大，值得讚既係雖然係配菜都冇hea做，意粉有鮮茄蓉，而薯條又夠脆。食完完仲有甜品添，今日既甜品係自家製既芒果布甸，都唔錯。