良記餐廳(老鳳冰室) (已結業)

深水埗有好多出名嘅小店，例如有豬膶麵、車仔麵、海南雞飯等等，偏偏今次我哋揀咗間好出名而且裝修得好靚嘅冰室，成個餐廳嘅裝修都充滿玩味，連嘢食都非常趣緻👻我哋叫咗個波波奶茶、芝士豬頸肉撈丁、焗芝士海鮮保齡球、飛仔華田、柚子西多士🍼波波奶茶就係有幾粒大波波係個奶茶入面，個波波就係奶茶冰，咁樣就唔怕啲冰融左之後杯奶茶會淡左，之後溶溶下仲可以食粒冰，夠晒特別😛🐷芝士豬頸肉撈丁唔錯，啲豬頸肉有烤香過，啲邊位有烤到少少脆，肉質唔韌，芝士味亦唔會淨係忌廉汁咁樣，雖然冇尖沙咀芝士撈丁咁好食，不過都可以一戰，完全唔失禮～🎳焗芝士海鮮保齡球都幾多人嗌，入面嗰芝士汁都係唔會似忌廉汁咁嘅，正正常常，個包外邊都脆皮☕️飛仔華田好特別，你見到上面有一張牌，其實係朱古力黎，成杯嘢飲仲有好多華田碎同忌廉係上面，每一啖都好滑而且有啲嘢咬下，口感好特別，不過有朋友略嫌甜咗啲🍞柚子西多士從來冇聽過呢尾菜，作出新嘗試試吓，雖然柚子醬同西多士真係唔係好夾，不過本身柚子醬都酸酸甜甜幾好味個人覺得情侶可以一齊嚟幫襯呢間餐廳，啲嘢食同裝修都好特別，一齊黎食又有特別嘅話題同新嘗試，成餐飯都唔會有悶場💛