寢宮

營業中

休息中

尋晚一行三人去左間喺諾士佛臺既上樓餐廳食野，貪佢有酒飲有野玩有得食，又可以唔嘈既地方下吹水。有一張美式桌球，等野食既時候玩左陣。叫左支Torbreck Woodcutter's Shiraz，fruity啲係幾易入口，大家都岩飲。香蒜辣椒檸檬汁炒蝦，蝦好彈牙，蒜唔多作調味用，所以無搶到蝦既味道，唔太辣幾好食。香蒜辣椒炒牛柳粒，好腍好香肉味，加埋蒜蓉令到牛肉更好味。香草炸魚條配檸檬汁，食落似大條版既白飯魚，非常香脆可口。每人一份沙律，菜都好fresh，只係落左少少橄欖油無咁dry。個湯好特別，好似溶哂既薯仔湯但無薯仔味，綠色既湯飲落幾好味。香煎大蝦配辣椒蒜香意粉，蝦大隻爽口，意粉無炒到乾哂，味道偏辣，整體黎講幾好味。焗酥皮羊扒，用酥皮包住令到塊皮索哂啲羊味，羊扒肥美肉嫩，羶味點都會有少少，但唔羶就唔係羊吧。慢煮西班牙黑毛豬鞍配鵝肝，豬鞍肉嫩多汁，肉質軟腍。