尚鮮海鮮料理 (已結業)

好耐都出街食飯啦 今日放左工之後約左朋友係銅鑼灣食私房菜 鋪頭無話好大 原來除左私房菜仲可以打邊爐 今次先試下食私房菜先 意想不到味道都幾高質～我地叫左個兩人set 食物都幾豐富 有刺身 燉湯 炒烏冬 燒生蠔 牛柳粒 煎海蝦 炒雜菜最後仲有個甜品！真係多到食唔哂 可能三個人食先岩岩好三色刺身魚生都幾新鮮 有章紅魚 帆立貝同鮑魚 最鐘意食既係個鮑魚刺身 非常爽口 章紅魚口感幾似油甘魚 而帆立貝都幾大隻 味道唔會太腥無諗過燉湯都好好飲！feel到用左好多高質既材料去燉湯 味道都幾清甜可口值得一題係個牛柳粒同雙色煎海蝦 個牛柳粒肉質非常滑嫰 一咬開就feel到有勁多肉汁 而個雙色煎海蝦分別用左茄汁同椒鹽去煎一甜一咸 個人鐘意椒鹽味道多d另外個燒生蠔 炒烏冬同炒雜菜味道則中規中矩 味道都偏鹹 適會重口味人士🤣好彩最後個自家桂花糕可以解下油膩 整體黎講用餐體驗都幾唔錯～