韓魂

依間位於西環既餐廳主打韓國燒肉放題,餐廳採用新鮮韓國豬五花及濕式熟成牛肉,仲有超過六十款傳統韓國菜式,而且係無限時可以慢慢食到飽!平日一至四成人一位$398,店員會首先上碟沙律同泡菜,如果中間食肉食到膩就可以食下沙律菜,仲有生菜可以包住食!🤣然後到meat box,meat box有美國特級牛五花,黑毛安格斯牛肩扒,牛頸脊同牛仔骨, 店員仲好有心機幫我地燒埋同介紹比我地,我自己最鍾意美國特級牛五花,食落去唔會好油膩,同埋肉質好淋之後就可以QR code落單,豬方面有豬肩肉,豬五花,由韓國新鮮直送既,食落好有層次,豬肉同肥膏一層一層隔住,建議將豬五花燒耐少少,食落去會更香口海鮮方面有蝦同扇貝, 餐廳都提供左好多韓國地道既小食同前菜,例如有炸雞,炒豬肉,豆腐鍋,韓式炒粉絲,辛辣面,仲有辣醬生醃魷魚!口感滑嫩有d辣好開胃🥰醬油蝦同醬油蟹啖啖肉,而且好新鮮又好入味,依個價錢可以食埋醬油蟹同醬油蝦都幾抵食自助區方面有飲品例如茶汽水,韓國飲品,仲有韓國雪條!!幾飽都一定要食番幾條😍