海底撈火鍋 (金巴利道)

營業中

休息中

今日同朋友行街，行行下，感覺有啲肚餓，朋友就話想打邊爐，咁啱行過見到呢間，朋友話食過話呢間覺得唔錯，而我就未食過，咁就去咗呢間食，上到去等咗15分鐘就有位，坐低咗之後，就有位職員招呼我哋，佢比咗條圍裙我哋，佢見到我哋頭髮長又派咗條橡筋比我哋紮頭髮，之後佢就俾咗部平板我哋落單，點緊單途中，朋友話一定要點拉麵，因為佢話會有人出嚟响我哋面前做拉麵呢個動作，佢話想睇，咁就一定要點啦！食到咁上下，突然有個職員出嚟做變臉表演，我覺得好得意，好精彩。整體嚟講食物質素還好，但有啲貴，服務很好，我哋埋單時，職員仲送咗幾包小食比我哋，我哋都好滿意！