魚事者 (鴻達樓) (已結業)

黃金魚彈彈第一次食到咁有質感同咬口嘅魚麵，口感比其他嘅彈牙，魚麵亦唔會太淡，配合上湯底，食落好暖胃，配料仲有魚仔形狀的炸魚旦，相當cute , 仲有粒超大粒嘅魚蛋，都係好彈牙可口炸魚無薯條外脆內軟，比食薯條更健康，入面魚肉唔會炸到乾晒，仲有煙靭嘅口感，點他他醬味道到恰到好處，又唔覺佢用咗好多油去炸，樣子好似薯條，但完全都唔熱氣，夠晒過癮魚肉燒賣呢個係最好食但係個精粹係喺個辣椒油嗰度，香而不辣，配上魚肉燒賣簡直係一絕，呢個平時行過都一定要再三encore，我認為呢個燒賣係燒賣關注組一定要榜上有名