影片
更多
2015-05-01
2055 瀏覽
已經係第二次黎Seafood Stand，上次黎佢地啱啱開左一個月，隔左半年今晚見到座無虛席，要等左大概十分鐘先有位，可見越做越紅。點菜：一份全隻龍蝦$128，加一個雞堡$45，一個Carbonara$45。本身我想再飲佢地既法式鮮蠔湯，但發現無左之前可以加side 既set,全部a la carte，$33飲個湯…作罷。先黎烤雞堡。個包有烘過，係正宗美式漢堡包，質感啱啱好唔會太乾或太軟；生菜感覺新鮮，蕃茄多汁；重點，雞肉，有少少焦黑，但味道好，肉汁完全keep到，唔會又乾又鞋。漢堡有配少許沙律菜，相對配炸薯條感覺上清新健康啲。男朋友上次無食龍蝦，今次話一定要試，order左一份全隻……可惜之後店員話得返半隻，"不如湊隻虎蝦同雞翼比你地？" 講返個龍蝦先，講真唔係話特別滋味，蒜蓉有少少搶左味，但龍蝦肉質都彈牙既。我諗試一次下次可以試過第二款 虎蝦，都燒得幾香，食落味道唔會太重太淡，都係肉質彈牙，唔錯既。不過全晚最欣賞會係呢味Carbonara！因為好神奇地，食落每一啖都令我諗起小學食既綠色包裝煙肉味薯圈 @@ 個汁既杰度啱啱好，個味都調較得好好，尤其係煙肉味突出，正！店員(其實估係老
點菜：一份全隻龍蝦$128，加一個雞堡$45，一個Carbonara$45。本身我想再飲佢地既法式鮮蠔湯，但發現無左之前可以加side 既set,全部a la carte，$33飲個湯…作罷。
先黎烤雞堡。個包有烘過，係正宗美式漢堡包，質感啱啱好唔會太乾或太軟；生菜感覺新鮮，蕃茄多汁；重點，雞肉，有少少焦黑，但味道好，肉汁完全keep到，唔會又乾又鞋。漢堡有配少許沙律菜，相對配炸薯條感覺上清新健康啲。
男朋友上次無食龍蝦，今次話一定要試，order左一份全隻……可惜之後店員話得返半隻，"不如湊隻虎蝦同雞翼比你地？"
講返個龍蝦先，講真唔係話特別滋味，蒜蓉有少少搶左味，但龍蝦肉質都彈牙既。我諗試一次下次可以試過第二款
虎蝦，都燒得幾香，食落味道唔會太重太淡，都係肉質彈牙，唔錯既。
不過全晚最欣賞會係呢味Carbonara！因為好神奇地，食落每一啖都令我諗起小學食既綠色包裝煙肉味薯圈 @@ 個汁既杰度啱啱好，個味都調較得好好，尤其係煙肉味突出，正！
店員(其實估係老闆)過左好耐都唔記左仲爭我地雞翼，不過終於有得食啦！個雞翼皮脆肉嫩，味道出奇地有少少酸意，但唔會令人覺得奇怪。
呢間舖頭係有心既小店。舖仔細細但啲野食真係唔錯(首推Burgers!!上次食牛個個都好正！)，仲會播啲幾有taste既英文歌仔，成間舖整到可以recall到yellow submarine既感覺，正!
張貼
