隨然有機玄米菜食料理 (已結業)

兩個人叫左一個味噌野菌意大利麵，一個南瓜燴飯同一個抹茶奶凍。味噌野菌意大利麵可以用驚喜泥形容，完全估唔到味噌同意大利粉會咁夾，意粉煮得啱啱好，唔會過淋，汁比一般意粉傑少少，味道濃郁而又有層次，可能你覺得我亂講，但未食過真好係好難形容，係我近期食過最高質意粉（沒有之一），但如果野菌多d會開心d。南瓜燴飯一食就知真材實料，糙米有口感，每粒飯都吸滿南瓜果種天然甜味，汁既濃度啱啱好，好幼滑，配埋炸左既蓮藕片，好香口，好食！抹茶奶凍相較失色，主要係有少少雪櫃味，但相信新鮮既話會好食好多，因為夠晒creamy同甜味天然。餐牌寫到明成間都冇加人工野同白糖，所以可以將素食煮得咁高質素，絕對值得俾獎聲。