Home Kitchen

營業中

休息中

一個星期去左呢間餐廳兩次 lunch, 性價比唔錯。第一次食豬扒漢堡，今次就食意粉。呢間鋪坐位約20個，疫情限制措施下坐得好疏，加上遲咗啲食晏，無咁多人，我一個人已獲安排坐4人檯。檯面有消毒搓手液，細心。服務方面唔錯，我坐底後聽見隔離檯有條友埋單嗰陣喺度搲discount, 個老闆/經理初初話無做個discount （聽得唔太清楚，應該係咁意思），後來都好好照做俾個客。其他服務方面，落單、上菜、埋單都有效率。食物好味，今次食嘅菠菜三文魚忌廉意粉好 creamy。加錢配左杯焦糖咖啡亦有水準。應該會多啲幫襯。不過相信疫情過後，多番人食lunch，就會好難喺呢啲有質素嘅小店搵到位。