心之食堂 (裝修中)

心の食堂地方雖小但食物一啲都唔馬虎，用QR code點餐對小店嘅店員同食客嚟講都好方便。心の蛋卷係依度嘅招牌，切開見到流心芝士仲有滿滿嘅三文魚同蟹籽就知道係心機之作，味道亦一級棒呢💯李小龍卷原來係因為炸蟹鉗而命名，又幾搞笑；卷物仲有牛油果、魚子醬、蟹籽同青瓜，配搭唔錯。石板帶子上菜時仍冒煙，黑松露味末算突出但帶子肉好嫩，裙邊彈牙。依度嘅炸物都有水準，炸蠔同可樂餅都係即叫即炸，熱辣辣脆卜卜，份量多又香口。燒物就試咗雞軟骨同菠蘿，前者調味適當幾惹味，後者鮮甜多汁，食得狼狽少少但好滋味～飲品定價合理，飲番杯烏龍茶解膩就最啱lu😋