點點心思 (已結業)

點點心思已經幫襯左2年，點心大件夾扺食，絕對唔比出便啲大牌茶樓差!鳳爪排骨飯，餸同飯比例岩岩好，飯夠濕潤，鳳爪同排骨都好入味，唔會好似X記包點果啲飯咁硬，啲餸凍冰冰。菜苗餃亦係一絕，皮薄饀靚，感覺好健康，又大大粒，每次黎都忍唔住叫。今次早餐孖寶只售33元，今時今日出便連個飯都食唔到，呢度真係CP值高。仲有米網卷，蝦餃，牛肉球，棉花滑雞扎，都係必叫點心，有機會再post上黎分享。由於即叫即蒸，基本上都需要等10-15分鐘先有得食，但係食物出到黎熱辣辣，咩都扺番晒。無奈疫市小店要面臨搬鋪，可能一搬以後就食唔到喇 😢，希望小店可以加油撐住!香港人加油!