大熱高湯麵 (已結業)

平時行過呢間小店，在店外唔係好睇到店內嘅裝修同食物，覺得好似好神秘咁，今晚終於膽粗粗入去試吓。呢度湯底嘅選擇只有三款，分別係黑高湯，白高湯同埋大高湯，面嘅選擇就有陽春面，葛粉絲，米線同米粉。見佢個二人餐都幾低，就叫咗個二人餐試吓，我哋叫咗個大高湯同埋白高湯配粗嘅陽春麵，啲麵都幾彈牙，而個湯都幾清甜，佢哋嘅湯底都應該花咗唔少心思同時間去煲。配面嘅點心都唔錯，啲炸物就略嫌比較油，尤其係個酥炸鯪魚角。酥炸芥末炸墨魚球都幾特別，入面係流心嘅芥末，味道都唔錯。伴芥蘭嘅蠔油加左啲蝦米落去，都幾有心思同幾特別。下次嚟都會想試吓其他配麵嘅點心同其他麵款。