十二少海鮮刺身牛肉火鍋專門店 (已結業)

前幾日同屋企人去咗呢間大圍嘅火鍋專門店食火鍋 佢哋係單點火鍋 材料新鮮 食材高質一入到去店員就會放低醬料裏面有九款選擇 當然我最鍾意食火鍋一定要加炸蒜同醬油 咁先惹味 之後叫咗一碟新鮮嘅三文魚 三文魚刺身好厚身 新鮮之餘啖啖肉 真係好開胃嘅前菜 小食方面就食咗個炸雞 炸雞好嫩滑 啖啖肉 估唔到火鍋舖頭都有小食食🙌🏻好香口之餘仲熱辣辣嚟到重頭戲一定係食佢哋嘅牛肉 真係好新鮮之餘仲要好靚 價錢都唔貴 兩個人食啱啱好！牛肉嘅紋理好清晰 再配買蕃茄湯食就一流！唔止系佢哋嘅牛肉 佢哋嘅海鮮都好高質 叫咗呢幾款都大大隻好新鮮 佢哋嘅聖子真係啖啖肉 爽口之餘亦都好大條！丸類方面都係手打 所以食落都好新鮮大粒 爽口又彈牙