影片
更多
2020-01-31
282 瀏覽
呢個時代做生意，除左講特色，好多時候都講社會責任。咁啱經過旺角，留意到有一間新開嘅飲品店，叫「走杯」，見到放係出面嘅visuals幾靚，野飲嘅賣相同取名都幾特別，又有個位企下chill下，就入去試左。睇左個menu一陣，講真杯杯都好想飲，見到有人蔘系列，老闆娘Amy都有推介下，我就揀左「人蔘鮮乳加紅豆薏仁」黎飲。（本身我個人唔係好受得牛奶，但見到係人蔘，又有得配我好鍾意嘅紅豆薏仁，就試左）等緊杯人蔘鮮乳嘅時候，周圍望下，見到廚房裡面好乾淨企理，再睇下個menu，發現原來拎走飲係要加兩蚊。同Amy傾左幾句，原來「走杯」好鼓勵客人堂飲或者帶自己嘅杯過黎裝野飲走，用佢地店舖嘅紙杯同飲管就要額外加兩蚊，每個月佢地會將呢部分嘅錢作慈善用途。講真，依家去叫凍飲都要加兩蚊。如果真係咁啱趕時間要拎走飲，為左環保比哩兩蚊都值啦。傾傾下，杯人蔘鮮乳紅豆薏仁就整好啦。見到個賣相，真係忍唔住影相打卡。要攪混佢先飲，都有啲唔捨得，因為會破壞左佢個賣相。人蔘味好香，回甘唔苦，再加埋彈牙嘅紅豆薏仁，可以cover左我唔係好受得嘅鮮奶味，而且唔算甜。整體感覺好好，飲完唔會好用飽肚，唔會唔舒服。唔鍾意飲奶嘅，哩杯人蔘鮮
咁啱經過旺角，留意到有一間新開嘅飲品店，叫「走杯」，見到放係出面嘅visuals幾靚，野飲嘅賣相同取名都幾特別，又有個位企下chill下，就入去試左。
睇左個menu一陣，講真杯杯都好想飲，見到有人蔘系列，老闆娘Amy都有推介下，我就揀左「人蔘鮮乳加紅豆薏仁」黎飲。（本身我個人唔係好受得牛奶，但見到係人蔘，又有得配我好鍾意嘅紅豆薏仁，就試左）
等緊杯人蔘鮮乳嘅時候，周圍望下，見到廚房裡面好乾淨企理，再睇下個menu，發現原來拎走飲係要加兩蚊。同Amy傾左幾句，原來「走杯」好鼓勵客人堂飲或者帶自己嘅杯過黎裝野飲走，用佢地店舖嘅紙杯同飲管就要額外加兩蚊，每個月佢地會將呢部分嘅錢作慈善用途。講真，依家去叫凍飲都要加兩蚊。如果真係咁啱趕時間要拎走飲，為左環保比哩兩蚊都值啦。
傾傾下，杯人蔘鮮乳紅豆薏仁就整好啦。見到個賣相，真係忍唔住影相打卡。要攪混佢先飲，都有啲唔捨得，因為會破壞左佢個賣相。人蔘味好香，回甘唔苦，再加埋彈牙嘅紅豆薏仁，可以cover左我唔係好受得嘅鮮奶味，而且唔算甜。整體感覺好好，飲完唔會好用飽肚，唔會唔舒服。唔鍾意飲奶嘅，哩杯人蔘鮮乳紅豆薏仁都值得一試再試！希望會出多啲唔同種類嘅人蔘系列飲品！
人蔘鮮乳紅豆薏仁
24 瀏覽
0 讚好
0 留言
張貼
