影片
更多
2021-08-15
332 瀏覽
開始夜，唔知食咩好就隨便揀咗呢間。同男友一人叫咗一份晚餐，再加一份蛋餅同兩杯嘢飲。.男友叫咗沙茶厚豚乾拌麵，我就叫咗日式漢堡魯肉飯。佢每份晚餐都包幾碟前菜、主菜、時菜同水果，最鍾意呢類型嘅set，乜都有得食😂。上枱時覺得賣相一般，好似求其執啲嘢堆埋一齊咁，但食落又感受到佢好多食物都放咗小心思。 前菜想特別點評漬苦瓜，平時我唔食苦瓜（仲後生，未識欣賞🤓），但佢醃到甜甜酸酸，中和咗苦味，完全唔難入口；另外仲有芥末秋葵，wasabi味輕輕手，唔會攻鼻，同秋葵又出奇地夾。 跟住到主菜，沙茶醬濃味帶辣，麵條略有咬口，夾埋啲蔬菜絲就冇咁膩。豬扒香口，最緊要唔乾唔柴；另外漢堡扒有肉汁，同埋估唔到佢喺入面加洋蔥粒，有少少咬口同洋蔥嘅香甜味。魯肉飯用珍珠米，好有誠意！魯肉亦好食，唔咸唔油膩，係份量唔太夠撈晒成碗飯。蛋亦有驚喜，溏心做得啱啱好，蛋有蛋味（你估咁易？），亦有加調味煮/浸過，唔會淡茂茂，不過切到一忽忽，唔夠靚。 時菜就揀咗一份燙，一份滷肉，以為會係一樣嘅菜，純粹加唔加肉，但原來一個用油麥菜，一個用椰菜花加西蘭花，又係一個驚喜位，唯一挑剔就係雙花冇滰乾水。 最後生果，哈密瓜又甜又有汁👍🏻蘋果用鹽
.
男友叫咗沙茶厚豚乾拌麵，我就叫咗日式漢堡魯肉飯。佢每份晚餐都包幾碟前菜、主菜、時菜同水果，最鍾意呢類型嘅set，乜都有得食😂。上枱時覺得賣相一般，好似求其執啲嘢堆埋一齊咁，但食落又感受到佢好多食物都放咗小心思。
前菜想特別點評漬苦瓜，平時我唔食苦瓜（仲後生，未識欣賞🤓），但佢醃到甜甜酸酸，中和咗苦味，完全唔難入口；另外仲有芥末秋葵，wasabi味輕輕手，唔會攻鼻，同秋葵又出奇地夾。
跟住到主菜，沙茶醬濃味帶辣，麵條略有咬口，夾埋啲蔬菜絲就冇咁膩。豬扒香口，最緊要唔乾唔柴；另外漢堡扒有肉汁，同埋估唔到佢喺入面加洋蔥粒，有少少咬口同洋蔥嘅香甜味。魯肉飯用珍珠米，好有誠意！魯肉亦好食，唔咸唔油膩，係份量唔太夠撈晒成碗飯。蛋亦有驚喜，溏心做得啱啱好，蛋有蛋味（你估咁易？），亦有加調味煮/浸過，唔會淡茂茂，不過切到一忽忽，唔夠靚。
時菜就揀咗一份燙，一份滷肉，以為會係一樣嘅菜，純粹加唔加肉，但原來一個用油麥菜，一個用椰菜花加西蘭花，又係一個驚喜位，唯一挑剔就係雙花冇滰乾水。
最後生果，哈密瓜又甜又有汁👍🏻蘋果用鹽水浸過令佢唔生銹，爽口，可惜酸。
沙茶厚豚乾拌麵
$87
15 瀏覽
0 讚好
0 留言
日式漢堡魯肉飯
$83
7 瀏覽
0 讚好
0 留言
.
另加嘅起司肉鬆蛋餅係用餅皮包住蛋皮再包住餡，雖然好似唔係最正宗嘅做法，但我覺得都好食嘅，口感鬆軟，餡料肉鬆同起司就天生都好食架啦🤣
起司肉鬆蛋餅
10 瀏覽
0 讚好
0 留言
.
飲品夠大杯，外表又靚，不過味道就有少少扣分位。左邊嗰杯桂花甘香柚子鐵觀音，完全係一杯柚子汁，飲唔到一丁點茶味。特選水果玫瑰花就唔錯，唔太甜，果味同茶味平衡，清新👍🏻
（左）桂花甘香柚子鐵觀音 （右）特選水果玫瑰花
2 瀏覽
1 讚好
0 留言
.
埋單250蚊，以今時今日嘅物價真係算係咁。總括嚟講呢餐好滿足，夠飽又好味😋我嘅挑剔係presentation真係比較hea，第一印象失咗啲信心，好在味道贏返晒。既然喺食物上花咗咁多小心思，不妨盡善盡美一啲，執執賣相同擺盤，咁就更perfect池喇～
張貼
