睿日本料理 (已結業)

今日放工係銅鑼灣放，心情好好，決定行遠少少去大坑食好野。以前試過一間居酒屋燒物唔錯，今次試下佢同品牌既日本料理。餐廳閒日唔算多人，可能位置唔係大街，會少啲人發現，好似隱世小店咁，同埋靜靜地幾好首先我地叫左個沙律— 胡麻醬燒豚肉沙律，第一次食燒豚肉既沙律，見到都覺得好有新鮮感，食落超好味！胡麻醬沙律不嬲都係我至愛，而家仲多埋好香滑既豬肉，好好味，調味感覺上除左麻醬仲有啲酸酸甜甜既汁，講唔出係咩，但就好惹味，超好食，仲好足料好大份。海雕sashimi 又係勁好味，好多塊，好鐘意隻味，食落好清香，絕對係美食。燒牛舌厚得黎好爽口，高質，調味一流燒魚呢個勁好味，魚味本來已經好香，又燒到個皮脆脆地，肉滑，好有口感，仲要再加生雞蛋醬，食法好似壽喜燒咁，但配上魚食真係第一次，勁好味！再為佢加多種口感。軟殼蟹雜菜天婦羅好足料，好多野食！不過因為我好怕淨食洋蔥 青葵 茄 蔥呢啲，所以我少食，但朋友好鍾意食呢啲，佢就食到好滋味哈哈最後有壽司每件都幾新鮮，特別鐘意左右魚，軟稔既口感