Paintable Cafe (已結業)

想要個悠閒假日，當然就瞓到自然醒就去間coffeeshop食brunch。我最鐘意去上環d小咖啡店，覺得呢到特別chill。之前鎖定咗想試呢間嘅croffle，所以今日一起身就過來。餐廳有open kitchen concept，一路都可以睇住店員準備食物，見到人專注做嘢真係好迷人～飲品我地叫咗我哋嘅最愛：熱cappuccino $40 同凍dirty$45。mains我地叫咗帶子黑松露蘑菇意粉 $138 同青醬松子仁扁意粉 $98。其實一入門口我已經聞到好香濃嘅黑松露味，佢仲加咗啲洋蔥粒，所以更加有層次感，最後我係連啲湯都清埋！個pesto醬都用咗好多basil，又係一種我好喜歡嘅香味！加埋竟然有orange tomatoes！更加清新！甜品我地叫咗香蕉榛子醬牛角包窩夫配雪糕，榛子醬唔會過分死甜，牛角包窩夫即場新鮮製造，外面鬆脆，內裏軟身，最特別就係個香蕉面燒左焦糖，好味！最後都要講講呢到d裝修好少女好可愛，紫色牆身架埋有個可愛手繪牆身，仲有室外位置。