Frozen Fruit (已結業)

已經好一段日子黎食過，但到而家仍然十分回味，印象深刻，因為呢度嘅老闆夫妻係呢個只為揾銀嘅食界中，為數十分少嘅超有心廚師!!其中我最愛嘅都係牛油果奶昔，烹調淡味食材最難嘅地方，係保留食材原有嘅獨特味道!但呢杯牛油果奶昔一飲，令我成個人叮左聲!竟然有超濃厚嘅牛油果味，而且口感超smooth超足料。一問之下，先知原來每杯都用左原隻牛油果即叫即做，只要你飲過，就會知道老闆絕對冇呃你!另外，就係炸粗薯條，可能你會覺得薯條去M記仲平啦，但我好欣賞佢個薯條。如果你細細品味，你會發現佢口感係外脆內鬆化，當你咬落去之後，就會有濃濃嘅薯味溢出。有人會覺得，薯條不嬲都係咁，而且等候食物需時，但我真係想為老闆平反一下。因為呢度嘅食物全部即叫即做，而呢個薯條即使放耐左，都仲keep住脆，而唔會好似M記果啲軟晒謝晒。秘訣就係啲油只會用一次，唔會重用，而呢度選料亦十分嚴格，所以先會有咁嘅口感!最後，當然要介紹呢度嘅主角，邪惡熱狗，熱狗包嘅口感岩岩好，而粗嘅熱狗腸超多汁超juicy，蓋面嘅芝士飽而唔會食濟。因為佢係純芝士，而唔係mix左好多野偷工減料嘅芝士醬。我已經係食得好慢好慢，但食到最後一啖，個邪狗仲係熱辣辣，會