入麵 (已結業)

夜晚9點幾10點係路德圍仍然有好多野食，入麵係我地成日會揀嘅其中之一，係一間台式麵食小店，但又未之於係好正宗嘅台式麵食，因為老闆加左唔少自己嘅風格，招牌就有兩種，牛魔王同豬八戒，個整法幾特別，係手打肉咁嘅形式。夜晚就會有幾個晚餐可以選擇，會有埋小食飲品，咁今次就叫左一個牛魔王同晚餐嘅汁燒牛肉，佢麵就可揀湯或撈，我自己就覺得最好係蕃茄同豬骨。牛魔王個肉係唔錯嘅，手打好彈牙。不過今次汁燒牛肉就麻麻，平時係用肥牛，今次就係牛肉片，有小小鞋，不過照老闆講就因為有啲客人覺得肥牛有時太多膏好韌，咁老闆都仲研究緊究竟邊種牛會比較適合。大家下次黎就留意返啦。