TicTacToe (已結業)

某日行完山想喺灣仔搵嘢食，見到呢間cafe人唔多, 入去一試。一入去老闆即好熱情地介紹店裡最有特色嘅嘢，叫咗鰻魚漢堡、鴛鴦（兩杯一起叫有優惠，可選男或女嘅拉花）、five cheeses pizza。鰻魚漢堡裡面有原條鰻魚，食得出用料不差， 但我個人覺得還是有啲腥。最好味嘅係pizza, cheese 落得好足。同老闆傾咗幾句，佢甚至將鴛鴦嘅茶膽拿來給我試，又細心聽取我哋嘅意見，很是用心。食完其實都已經幾飽，但又想試甜品，於是又叫了個waffle, 呢個就有啲失望，無特色，不試也可。得知小店其實沒開多久，老闆嘆人流不如灣仔其他地方，希望小店能做得住，有機會會再去的！