影片
更多
2019-04-07
81 瀏覽
聽朋友介紹土瓜灣有間高質拉麵店，今日特意同男朋友嚟到食lunch,地方係有啲夾攝， 搭巴士比較方便。一睇門面冇咩特別，點知一入去原來別有洞天，睇得出係有心裝潢，充滿日本特色， 仲有projector , 有背景音樂， 地方亦都好乾淨，好寛敞， 氣氛會比滿分。土瓜灣分店樓高兩層，下面好似居酒屋咁樣，師傅會喺面前煮麵，人就坐吧枱；雙層就只係得座位。餐牌上嘅食物主要係拉麵為主，沾麵就只有雞白湯湯底， 於是揀左雞白湯拉麵同雞白湯沾麵各一， lunch 可以$28 追加小食， 我地加左煎餃子同抹茶奶凍。落左order 無耐好快就有第一道菜-金鶴雞白湯拉麵。侍應好細心，表示炸牛蒡唔好浸太耐， 於是用隻碗仔幫我地分開裝。我哋冇5分鐘就食晒，因為炸得又甜又脆，食唔停口。本人都好鍾意呢間既雞湯， 其他拉麵店往往都做得好鹹，呢間較清但係有好香雞味，鹹味啱啱好。糖心蛋亦都做得相當不俗，食得出好似有啲鰹魚味。最欣賞係雞肉，雞肉似慢火煮，完全唔老，非常鮮嫩，雖然只係用鹽但最能夠帶出鮮味，啱晒女士食。叉燒就比較瘦，鍾意程度就見仁見智，睇各人口味，但味道ok 食到一半，雞白湯沾面亦都上菜。可能因為價錢貴啲，肉既份量
一睇門面冇咩特別，點知一入去原來別有洞天，睇得出係有心裝潢，充滿日本特色， 仲有projector , 有背景音樂， 地方亦都好乾淨，好寛敞， 氣氛會比滿分。
土瓜灣分店樓高兩層，下面好似居酒屋咁樣，師傅會喺面前煮麵，人就坐吧枱；雙層就只係得座位。
餐牌上嘅食物主要係拉麵為主，沾麵就只有雞白湯湯底， 於是揀左雞白湯拉麵同雞白湯沾麵各一， lunch 可以$28 追加小食， 我地加左煎餃子同抹茶奶凍。
落左order 無耐好快就有第一道菜-金鶴雞白湯拉麵。侍應好細心，表示炸牛蒡唔好浸太耐， 於是用隻碗仔幫我地分開裝。
我哋冇5分鐘就食晒，因為炸得又甜又脆，食唔停口。
本人都好鍾意呢間既雞湯， 其他拉麵店往往都做得好鹹，呢間較清但係有好香雞味，鹹味啱啱好。
糖心蛋亦都做得相當不俗，食得出好似有啲鰹魚味。
最欣賞係雞肉，雞肉似慢火煮，完全唔老，非常鮮嫩，雖然只係用鹽但最能夠帶出鮮味，啱晒女士食。
叉燒就比較瘦，鍾意程度就見仁見智，睇各人口味，但味道ok
金鶴雞白湯拉麵
8 瀏覽
0 讚好
0 留言
食到一半，雞白湯沾面亦都上菜。
可能因為價錢貴啲，肉既份量都俾咗個Double肉嘅質量同湯拉麵一樣，肉質好嫩。
值得一讚嘅係小店在拉麵同沾麵用既麵質都唔同， 拉麵比較幼， 沾麵用較粗既麵條， 比拉麵更有口感， 兩者都好有咬口。
雖然兩者都係用雞白湯，但沾面湯底同味道都較為濃郁， 加埋乾身既麵底非常夾
最後就係煎餃子同埋抹茶奶凍。
煎餃子即叫即煎， 所以最尾先上， 皮薄， 肉多， 入面都仲好juicy(掛住食冇影相)
抺茶奶凍就似抺茶厥餅都d , 煙煙un un , 抹茶粉唔甜， 味道清新。（本身有四粒食咗一半先記得影相)
食到最尾侍應都好細心幫我地遞上牙線
同場加映女廁廁所好齊備， 有好多配件， 甚至有牙刷， 感覺非常良好。
聽呢度嘅侍應介紹原來仲有隻app, down 完可以免費有100積分， 可以儲分換汽水或其他小食， 即場換左汽水。賺左
人均150就可以有高質氣氛加上美食同好服務， 下次會揀夜晚再黎encore girls talk 或者一大班同事去都幾適合。
張貼
