団欒爐端燒

營業中

休息中

同朋友兩個女仔去食。因為係爐端燒餐廳，所以只係叫咗一樣刺身，留肚食多啲爐端燒。刺身石垣貝好好食，有鮮味。叫咗一堆爐端燒（不過唔係全部都有影相）。大約係有雞扒，銀鱈魚，燒豆腐，燒雞肝，鵝肝飯團，沙律，粟米，青瓜梳打等。 路端燒嘅質素的確係好的，雞扒皮脆，配柚子汁顯出廚師嘅心機。爐端燒吧枱在香港不太常見，氣氛有啲似食鐵板燒。價錢每人大約$600，以食物質素，服務，環境計，是值的。 如果喜歡食燒烤，又想追求日式親切招呼同比較高質素嘅食物，呢一度就啱了。