天奴豬扒餐廳 (已結業)

今日趁女兒小一第一日上學走去教育路附近，放學後貪就腳同埋好耐無嚟過就入去坐低。入到去發現人面全非，應該係頂咗比人。有個口黑面黑嘅即刻問你幾位，然後再安排坐响門口好窄嘅所謂四人枱。坐低唔夠一分鐘，發覺有問題。門口出面露天位食煙客嘅煙飄過來，加上門口成日開關，熱氣踴入嚟；問可唔可以轉位；那個話得事的即刻問我哋幾多人。我話四個，佢話有張枱，不過係六人枱。當時又無人要坐，都唔比我。條氣最唔順係過咗5分鐘有對情侶入嚟居然比2人坐6人枱。激死! 最後無辦法，照order佢哋聲稱最正嘅豬扒飯；仲有係㗎哩鷄扒飯。飯到，一睇就知豬扒啤水啤得好犀利，加上梳打粉味重，重話係有態度嘅豬扒。飯份量得一細杯，唔夠又要加三蚊加飯；汁又少到差不多睇唔到。成碟飯最好都係配菜炸茄子。周邊環境又差，門口都係垃圾同煙頭。食物同服務跟上手比真係差好多。如果要成四十蚊一個午餐，真係周邊好多選擇。下次行遠小小吧!