爵士拉麵

營業中

休息中

之前某報紙介紹過聯和呢間拉麵店，好想試。辛苦完一星期，放假梗係要搵好野食啦所以專程揸車入粉嶺，拉麵店係比較偏僻嘅轉角位置，泊好車都搵左一陣先見到。可能粉嶺對我地黎講比較少入黎。店鋪唔大，客人已經一半有多。餐牌拉麵款色唔多，只得9款。所以感覺就似日本拉麵店咁，貴精不貴多。餐牌上講明，不設第二次落單，所以要唸清楚要咩，而且茶水要俾$1，呢間拉麵店真係好有性格。爵士拉麵（味噌湯底-中）$100 ，爵士拉麵（醬油湯底-中）$98 - 爵士拉麵有肥牛，义燒，蟹柳，栗粟米，蛋。材料份量多，醬油湯底比較清偏淡，味噌湯底的味噌味濃，帶點點辣。拉麵麵質尚可，其他食材都只是普通，是本身食材的味道，不是太出眾。而且蛋方面，一般拉麵店都是流心蛋，這隻是全熟的，是有點失望。