我愛慢煮 (孖沙街) (已結業)

有情調嘅慢煮餐廳♥️雖然餐廳位於上環嘅街角，但無阻佢嘅人氣，假日六點半去都座無虛席。 以慢煮來講，價錢唔算貴，環境昏暗，有情調，裝修幾有工業風格，枱與枱之間有足夠嘅空間，坐得舒服。 🐽秘製保濕豬鞍架$138厚身得嚟唔會嚡口，滿滿肉汁， 調味以鹽、香草為主，唔會太重口味。 另外加煎鵝肝片 $38比較薄身，但係充滿油香，入口亦有少少融化感覺。🦞芝士焗波士頓龍蝦（$88/ 半隻 $178/1 隻）大小適中，龍蝦蝦肉紥實，只帶少許咬口，芝士同醬汁較少，適合鐘意淡口味嘅朋友。🌹玫瑰洛神花特飲（$42）唔似一般洛神花較酸，整體比較甜。而水果茶（$42）比較似苺類加檸檬茶。