Bacchus (已結業)

今晚嚟到銅鑼灣百樂中心，呢度上下入邊有好多唔同類型嘅餐廳，竟然俾我哋發現到一間幾有格調適合節日慶生嘅西餐廳。首先我哋要咗吞拿魚配胡麻醬，吞拿魚都有成五舊，原來配起麻將味道有驚喜。半生熟嘅吞拿魚入口即溶，適合做開胃前菜。煮食我哋要咗兩款一款係帶子香蒜意粉，帶子成吋厚，大大粒，有成5粒咁多，好彈牙。意粉蒜味濃郁，好惹味。另一款要左慢煮黃油雞，餐廳用左慢煮方式烹調，能帶岀雞既鮮味同保持肉質幼嫩，水準一流，配埋薯容，味道超搭。佢嘅甜品都好有驚喜，推介點自家製tiramisu,佢同一般嘅都唔同，佢嘅賣相幾特別，平時係蛋糕但佢呢個係食落去完全冇蛋糕，反而係充滿空氣感嘅忌廉配埋個雪糕同埋個咖啡手指餅食。我哋都點咗個藍莓乳酪酸酸甜甜好清新。