L'AMOUR

呢日同好耐冇見既朋友去左大埔呢間法國餐廳食dinner，餐廳既環境好高級，幾浪漫。打開餐牌，見到有好多好吸引既菜式，嘅主菜都幾多選擇，仲有分子料理甜品添！小食方面，我哋點咗吼加拿大海膽多士，海膽超大舊，放喺香脆嘅多士上面，口感豐富。另外仲有即叫即炸嘅巴馬臣芝士黑松露薯條，勁惹味。呢個火箭菜沙律感覺幾健康。主菜方面，我哋點咗威靈頓牛柳同埋烤焗紐西蘭羊架。威靈頓牛柳五成熟，保持到啲肉汁，肉質嫩滑。羊架唔會有羶味，啲配菜都整得好好。甜品有五款味道嘅馬卡龍，再加埋榛子雪糕，好滿足。呢度嘅Cocktail同埋mocktail 都好夢幻，呢杯叫rose既cocktail上面有個泡泡，打卡一流！