Amante Bar & Restaurant (已結業)

經朋友推介，早兩日去左東涌呢間Amante Bar & Restaurant。係東涌站出口一出去，就見到間餐廳大大個招牌係對面馬路。地理位置都十分方便。入到餐廳，環境偏暗，有情調，適合情侶同一家大細黎用餐。餐具擺放得十分整齊同講究。煙肉椰菜忌廉湯，忌廉味濃郁，但唔膩。包既味道較奇怪，可能平常較少食，唔係咁中意香草味。龍蝦意粉，意粉軟硬適中，上面有一層茄醬同肉碎，十分開胃。而龍蝦肉味道鮮甜，肉質爽口，唔似出面食開既龍蝦肉質咁霉，可以食得出食新鮮既。餐廳都非常細心，會幫客人係蝦鉗有上開一個切口，一剝就開左。燒羊架，平時接受唔到羊肉好大陣羶味，所以好少食羊。但今次叫既燒羊架冇羊羶味，而且肉質鮮嫩，我接受唔到羊羶味既人都食得津津有味。另外羊架既配菜都唔錯，佢有唔同既蔬菜配搭，都比較健康。凍檸茶，有一樣我係十分欣賞，就係佢係需要自己落糖漿，可以根據自己既口味調較甜度，可以睇得出餐廳細心之處，唯一挑剔既係檸檬味道稍嫌淡左少少。價錢方面，我認為偏貴左少少，不過間唔中去食一次都係可接受既。