醉胡爐 (已搬遷) 新店位置

呢間餐廳裝修幾令，樓底高，感覺好有格調。野食種類都好多，有日式刺身同串燒，亦有多款西式食品。我地點左幾款串燒，生蠔，海膽意大利飯，吞拿魚沙律配溫泉蛋同2個甜品～呢度出野食既速度比較慢，先黎法國既gillardeau，wa, 第一次食咁大隻gillardeau，生蠔海水味濃，鮮甜，唔錯。而串燒方面點左A5和牛，牛舌，白鱔同鵝肝，鵝肝好大件，而且好有油香，質感creamy, 好邪惡。而牛舌都好爽口，不過A5和牛就過熟了，白鱔亦淡左d, 配汁會好d~吞拿魚沙律配溫泉蛋好大份，沙律菜爽口新鮮，個汁酸酸地幾開胃。呢個海膽意大利飯等左足足1個中不過見到成板海膽就開心哂！海膽鮮甜，唔捨得撈入d飯度XD 但意大利飯本身偏淡，要撈d海膽先好味~ 最後甜品都有surprise, 水信玄餅好令呀！晶瑩剔透，入面有一朵食用花，水信玄餅質感水汪汪，好彈，加左黑糖同黃豆粉好好味！另外白桃雪葩就不過不失，配士多啤梨醬有點怪。