影片
更多
2025-03-17
319 瀏覽
2025年3月5日 星期三今晚一早放工就約左老婆係尖沙咀食飯，選擇咗一間好有情調嘅餐廳，而且主打係fusion菜餐廳有二人套餐可以選擇，已經包咗餐前小碟、沙律、前菜、串燒、主食同甜品，非常豐富，仲有埋飲品添，兩個人一定足夠，所以唔需要再另外加食物點完餐等左一陣店員就已經送上前菜，係脆核桃小甜魚，核桃脆卜卜同甜魚一齊食幾開胃呢杯係我要嘅餐廳招牌雞尾酒，KISSATEN，用咗冧酒、Espresso同雜莓混制而成，從來冇諗過Espresso都可以整成雞尾酒，味道幾特別，充滿咖啡香味，而且一啲都唔苦，酒味都唔算好濃郁，仲有少少焦糖味添，幾易入口老婆要嘅呢一杯就更加特別，店員成個木箱拎出嚟，一打開杯飲品就喺裏面發光，好似珍珠咁，用嚟打卡一流，飲品叫EMPRESS，上面加咗一片青檸，有茉莉花香，飲落有酒味之餘又幾清新呢個係迷你蟹王蟹肉窩夫撻，個撻上面滿咗蟹肉同蟹籽，咬落去啖啖肉，而且個撻好鬆脆，成個口都充滿蟹香之後有燒雞中翼同西班牙黑豚玉子燒，完全冇諗過黑豚肉可以捲住玉子燒一齊食，肉汁滲透晒落去玉子燒到，十分惹味，而雞翼燒完仍然充滿肉汁，咬落去好嫩滑然後有雞翼醸鮑魚，賣相好特別，用左個鮑魚殼裝住，
今晚一早放工就約左老婆係尖沙咀食飯，選擇咗一間好有情調嘅餐廳，而且主打係fusion菜
餐廳有二人套餐可以選擇，已經包咗餐前小碟、沙律、前菜、串燒、主食同甜品，非常豐富，仲有埋飲品添，兩個人一定足夠，所以唔需要再另外加食物
點完餐等左一陣店員就已經送上前菜，係脆核桃小甜魚，核桃脆卜卜同甜魚一齊食幾開胃
呢杯係我要嘅餐廳招牌雞尾酒，KISSATEN，用咗冧酒、Espresso同雜莓混制而成，從來冇諗過Espresso都可以整成雞尾酒，味道幾特別，充滿咖啡香味，而且一啲都唔苦，酒味都唔算好濃郁，仲有少少焦糖味添，幾易入口
老婆要嘅呢一杯就更加特別，店員成個木箱拎出嚟，一打開杯飲品就喺裏面發光，好似珍珠咁，用嚟打卡一流，飲品叫EMPRESS，上面加咗一片青檸，有茉莉花香，飲落有酒味之餘又幾清新
呢個係迷你蟹王蟹肉窩夫撻，個撻上面滿咗蟹肉同蟹籽，咬落去啖啖肉，而且個撻好鬆脆，成個口都充滿蟹香
之後有燒雞中翼同西班牙黑豚玉子燒，完全冇諗過黑豚肉可以捲住玉子燒一齊食，肉汁滲透晒落去玉子燒到，十分惹味，而雞翼燒完仍然充滿肉汁，咬落去好嫩滑
然後有雞翼醸鮑魚，賣相好特別，用左個鮑魚殼裝住，整到好似成隻鮑魚咁，食落去啖啖肉之餘又食到鮑魚粒，加埋檸檬汁一齊食感覺更加清新同冇咁油膩
主食方面有北海道辣味魷魚肝汁松葉蟹肉意大利麵，份量唔算太多，但做功好精細，麵質煮得彈牙，而且放上面既炸魷魚炸得岩岩好，有咬口同無筋，醬汁唔算太濃味但成功令口腔留有餘韻，成個口都充滿魷魚同蟹肉香味
另一個主菜係葱拖羅三色紫菜TACO壽司手卷，放滿晒拖羅蓉，一啖完全食唔晒，包住手卷嘅紫菜應該炸過黎，口感更加香脆，真係整到好似TACO咁有好多餡料，非常出色！！
最後甜品有自家製紅豆布丁同菠蘿焦糖燒，布丁口感幼滑，同紅豆好夾，味道唔算太甜，至於燒菠蘿外皮就充滿焦糖味，而且燒完之後果香更加突出
埋單$1000有找，有一個非常好嘅晚餐體驗，無論環境同食物質素都唔錯！！
張貼
