影片
更多
2019-10-24
50 瀏覽
2019年10月19日 星期六終於到週末的時間，可以同女朋友行下街、周圍食下野，今次我哋去到旺角太子附近行到呢一間餐廳，見到門口有得食下午茶，相片仲要係有個下午茶架放左好多食物，女朋友即刻心心眼，話好想入去試吓入到去坐低之後發現好似置身唔同嘅地方咁，裝修同燈光都好有情調，好似去左外國咁餐牌除咗有high tea set之外，仲可以點其他小食，而餐飲方面仲有唔同嘅花茶可以揀首先嚟嘅係花茶，我點嘅係黑糖桂棗薑茶，未飲已經感覺到好重薑味，好適合我，飲落去除咗薑味之外仲有少少甜味，我估應該係黑糖、桂圓同紅棗帶出嘅味道，好養生等左無幾耐店員就拎左個雀籠過嚟，上面係一件件精美嘅點心同甜品首先最低嗰層係鹹點，有溫泉蛋，裏面啱啱熟，d蛋黃可以流出嚟，仲有三文魚籽喺裏面添。仲有煙鴨胸沙律、芝士火腿牛角包同鵝肝餅乾，不過我覺得最好食係個薄餅，蟹肉牛油果薄餅，雖然細細舊唔係太多，不過竟然食到蟹肉同牛油果嘅味道，又出奇地配合至於中間同上面嗰層都係甜點，有馬卡龍、忌廉泡芙、朱古力凍餅等等，當中不得不提就係玫瑰奶凍杯，除咗食到玫瑰味之外，裏面仲有一粒粒細嘅玫瑰花瓣，感覺好清新以為甜品得雀籠上面嗰啲？少年你太年輕啦
終於到週末的時間，可以同女朋友行下街、周圍食下野，今次我哋去到旺角太子附近
行到呢一間餐廳，見到門口有得食下午茶，相片仲要係有個下午茶架放左好多食物，女朋友即刻心心眼，話好想入去試吓
入到去坐低之後發現好似置身唔同嘅地方咁，裝修同燈光都好有情調，好似去左外國咁
餐牌除咗有high tea set之外，仲可以點其他小食，而餐飲方面仲有唔同嘅花茶可以揀
首先嚟嘅係花茶，我點嘅係黑糖桂棗薑茶，未飲已經感覺到好重薑味，好適合我，飲落去除咗薑味之外仲有少少甜味，我估應該係黑糖、桂圓同紅棗帶出嘅味道，好養生
等左無幾耐店員就拎左個雀籠過嚟，上面係一件件精美嘅點心同甜品
首先最低嗰層係鹹點，有溫泉蛋，裏面啱啱熟，d蛋黃可以流出嚟，仲有三文魚籽喺裏面添。仲有煙鴨胸沙律、芝士火腿牛角包同鵝肝餅乾，不過我覺得最好食係個薄餅，蟹肉牛油果薄餅，雖然細細舊唔係太多，不過竟然食到蟹肉同牛油果嘅味道，又出奇地配合
至於中間同上面嗰層都係甜點，有馬卡龍、忌廉泡芙、朱古力凍餅等等，當中不得不提就係玫瑰奶凍杯，除咗食到玫瑰味之外，裏面仲有一粒粒細嘅玫瑰花瓣，感覺好清新
以為甜品得雀籠上面嗰啲？少年你太年輕啦，仲有個法式焦糖燉蛋，我同女朋友每人一個，焦糖燉蛋好滑溜，為呢一餐下午茶做一個完美嘅總結
張貼
