影片
更多
2022-11-17
31 瀏覽
今次嚟到黃埔呢間茶木食飯，點咗個二人晚餐（$258），包小食、主食兩份同埋飲品兩杯，仲可以加錢upgrade飲品同埋加購小食。小食我哋點咗黑麻油雞翼、鹽酥雞，主食點咗台式麻辣半筋半肉手工拌麵同烏魚子元貝手作麵。另外再加咗糖心蛋一隻（$22）同櫻花蝦魚湯浸娃娃菜（$20）。台式麻辣半筋半肉手工拌麵跟埋鴨血、溏心蛋。拌麵好滑好煙靭，少少辣。牛肉好入味好淋，連埋個拌麵一齊食，唔食得辣嘅我都覺得好吸引。烏魚子元貝手作麵- 呢個相對唔係地道台式野食，但又整得幾好味。帶子加埋其他配料，連埋個好creamy嘅意粉，味道好夾，有驚喜。飲品方面，加錢upgrade咗一杯脆脆奶茶（+$21）同木柵鐵觀音奶茶（+$13）。脆脆奶茶不論賣相同味道都冇得輸，味道豐富，有層次感。觀音奶茶茶味濃郁，叫走甜，加埋珍珠味道啱啱好，珍珠相當煙韌好味。最後單點咗佢嘅招牌甜品- 抹茶鮮果流心歐軟（$88），分量好多，足夠兩個人share有餘。不單只賣相靚，入面層層口感都唔同，新鮮水果，雪糕配埋烘得既脆又鬆化嘅多士，入邊仲有少少麻糬，真心好味，必食推介呀。餐廳環境裝修靚，舒服好坐，食物種類多，整體質素唔錯，回訪指數好高。
小食我哋點咗黑麻油雞翼、鹽酥雞，主食點咗台式麻辣半筋半肉手工拌麵同烏魚子元貝手作麵。另外再加咗糖心蛋一隻（$22）同櫻花蝦魚湯浸娃娃菜（$20）。
台式麻辣半筋半肉手工拌麵跟埋鴨血、溏心蛋。拌麵好滑好煙靭，少少辣。牛肉好入味好淋，連埋個拌麵一齊食，唔食得辣嘅我都覺得好吸引。
烏魚子元貝手作麵- 呢個相對唔係地道台式野食，但又整得幾好味。帶子加埋其他配料，連埋個好creamy嘅意粉，味道好夾，有驚喜。
飲品方面，加錢upgrade咗一杯脆脆奶茶（+$21）同木柵鐵觀音奶茶（+$13）。脆脆奶茶不論賣相同味道都冇得輸，味道豐富，有層次感。觀音奶茶茶味濃郁，叫走甜，加埋珍珠味道啱啱好，珍珠相當煙韌好味。
最後單點咗佢嘅招牌甜品- 抹茶鮮果流心歐軟（$88），分量好多，足夠兩個人share有餘。不單只賣相靚，入面層層口感都唔同，新鮮水果，雪糕配埋烘得既脆又鬆化嘅多士，入邊仲有少少麻糬，真心好味，必食推介呀。
餐廳環境裝修靚，舒服好坐，食物種類多，整體質素唔錯，回訪指數好高。
張貼
