茶木‧台式休閒餐廳 (黃埔天地)

營業中

休息中

晚餐好耐冇同d女食。去開黃埔，簡左茶木食係因為有埋dessert我地叫左個兒童餐，兒童餐個面食唔錯。。。小朋友都食晒。但個番薯條就麻麻地。。同埋冇茄汁。所以冇食晒。晚餐有好多選擇，有面或飯又有火鍋仔。見好多人食個鍋仔。 下次都會想試下。我地叫左個雞扒主食，有d干。。粉多左少少。個飯硬左少少。。但個魯肉唔錯。仲包左杯野飲。食完我地就食甜品。。唔錯。。個多士磚好脆好味。成晚個主角就係甜品。。3個人賣單$274好滿足

門口收銀服務員態度差 不知是否個別男 戴眼鏡 我話想食麵 佢不停問我幾多位 問咗四次 都未回答我嘅問題 完全唔好溝通 希望檢討一下 了解客人問什麼 才提供相應服務 答非所問令客人很反感

感覺食物比以前好味道清淡得來亦唔會淡茂茂都唔錯嘅可能由於係自助落單嘅關係 啲員工有少少十問九唔應 但態度唔算算係好差嘅 懶散咗少少啫如果員工嘅態度可以積極返少少就會更加好

茶木是我同家人常去的一間餐廳，家人很喜歡他們的牛肉麵。嘗過kiki麵、段崇貞等餐廳，但始終認為茶木的紅燒牛肉麵性價比最高，牛肉塊大大件，並覺得其他餐廳的藥材味太過濃。這家的甜品做得幾好，仙草芋圓夠煙韌，拿破崙、牛角包窩夫十分香脆可口又不肥膩。不過之前食過歐軟無乜特別…呢度的木柵鐵觀音奶茶十分香醇，叫無甜方可嚐出真茶味，配上少甜寒天剛剛好。係得呢個分店有特別點既茶，不過都好睇運氣或員工心情，有時濃d有時無乜味。呢間分店主打精緻，擺碟、食物係感覺上靚d。不過新店既員工服務態度麻麻，試過掟碟落枱、去到門口on居居企一排無人理，反而以前隔幾個舖位的舊舖員工會認到家人又次次去到都打招呼。所以有時候寧願揸車去樂富，以免食餐飯都要唔開心。

我最近嘗試了茶木新推出的蟹皇湯飯，湯飯加飲料合共$136，我感覺價格有點不值，蟹肉的份量實在是太少了。不過，茶湯的味道相當不錯，滿滿的茶香，口感也很濃郁。飲品愛玉黑糖奶茶，這個的味道也很不錯。

茶木自從裝修完環境高級左，雖然食物多樣化左，但價錢貴左量又少左！幾次帶小朋友來他地都覺得一個餐加小食都唔夠食，而且這間店的肉燥實在太少，剩下的白飯食唔落。炸雞排雖然脆，但肉太薄麵粉太厚。以前每個星期都會去茶木，宜家好耐來一次都經常會失望，吃的不是很盡興。

即興相約妹妹喺佢屋企附近下午茶， 因為星期六週圍都比較多人，知道茶木冇限時，所以我哋揀咗黃埔天地分店。 我就叫至愛嘅佛手菓茶，妹妹話想試下脆脆黑糖珍珠奶茶， 因為之前我都試過幾次，但不是次次飲到，因為好快售罄。 杯邊嘅 黑糖脆脆真係好好味。 但係今次佢呢間分店嘅脆脆黑糖奶茶，令到我妹妹極致失望。 送上飲品上嚟嘅時候，完全係同我平時飲嘅係兩回事，我問職員點解側邊冇曬啲脆脆，反而係杯入面？佢話因為嗰隻杯冇貨？ 我即時同職員反映，咩原因都好，係咪應該先同顧客講清楚先，等個決定權畀返顧客，係咪仲繼續order？! 我不明什麼叫做嗰隻杯冇貨？我覺得脆脆喺個杯入面令到個哟脆脆已經淋曬，根本完全係兩回事。 我用46蚊去買一杯咁嘅飲品？ 因為妹妹怕尷尬，始終佢都係成日喺嗰度食嘢，所以就沒有同職員投訴。 我希望貴公司係考慮到客人畀錢購買你哋嘅商品 係抱住期望嘅心態，唔好求其畀啲嘢佢就算。

茶木真係食過好多間分店都食左好多年黃埔呢間第一次試今日叫左個台式腸肉燥飯台式腸煎到好脆暖暖地加埋蒜片一齊食好好味如果蒜片比多少少就更好另外追加左鹽酥雞粒呢個就好一般可能炸得耐左有少少硬不過整體黃埔分店坐得好舒服環境又乾淨

一直認為連續食店沒有靈魂，質素麻麻。是夜偶爾一試茶木卻令區區改觀。先點兩個套餐，小食豐富。蒜蓉麻辣豬耳，香辣爽口不太油膩。鹽酥雞外脆内嫩，椒鹽份量適中，十分惹味。櫻花蝦上湯娃娃菜，清新爽口。烤香腸香甜不過鹹，上佳下酒菜。帶子烏魚子扁麵，煎得香脆，扁麵伴以香菇cream sauce，好食過不少pasta。另一扁麵保留台式風味。麻辣牛筋腩軟稔入味，加上鴨血，香濃溏心蛋等，誠意十足。甜品黑芝麻豆乳沙冰十分清香。配料豐富，芋圓煙韌，加上紅豆，涼粉，芋泥等，完美作結。仲包餐飲，飽到上心口。

「茶木」聯乘台灣創作企劃「黑眼圈小隊」😴一齊去最台嘅色香味俱全掃街之旅🇹🇼.干貝龍蝦汁藜麥飯🍚香濃龍蝦汁沾滿藜麥飯🦞藜麥飯夾雜車厘茄🍅紅腰豆🫘青豆等🌾🫛干貝大粒鮮甜嫩滑😋.TeaWood®紅燒牛肉麵🍜厚切牛肉帶筋膜🥩肉質軟腍入味👍🏻富骨膠原，牛味濃郁🐄加上清甜蘿蔔🥕雪菜、蔥花及芫茜🌿手工麵細滑煙韌，湯底鮮甜甘香🤤.櫻花蝦魚湯浸娃娃菜(半份)🥬上湯帶淡淡清甜魚味🐠面頭仲有好多櫻花蝦🦐 令娃娃菜更具鮮味😗.紅油抄手(半份)🥟抄手皮薄，食到豬肉肉汁🐖醬汁集合鹹酸辣🌶️加上青瓜粒🥒開胃清新💦.路邊攤小食🥢有鹽酥雞、鹽酥雞排🐓鹽酥福州魚丸🐟及台式烤香腸🍖雞排炸到脆卜卜😝福州魚丸入面有粒粒花枝🦑烤香腸偏鹹😔.金黃鹽酥雞(秘製燒烤辣粉)🍗炸得非常香口😆椒鹽味惹味🧂但就無燒烤辣味感覺😢.精選可頌窩夫🧇充滿牛油香🧈入口酥脆😆加上朱古力醬同杏仁片🍫簡單美味😛.台式奶茶茶凍🍮茶味香濃🫖但唔似奶茶味🥺不過加埋紅桑子、藍莓🫐同忌廉☁️有所加分😉.凍四色啵啵芝麻豆乳🥛四色小芋圓分別係綠茶🍵芋頭、紫薯及番薯口味🍠底層係芝麻豆腐花🖤再加上豆乳，豐富層次感😌.凍木柵鐵觀音奶茶🧋帶烘培炭香味🔥🪵同鐵觀音嘅茶味更獨特☺️.黑眼圈

茶木有好多間唔同嘅分店，今日就嚟到位於黃埔新天地嘅呢一間，舖頭嘅環境非常之嘅闊落，裝修都好新穎。今日同朋友試咗好多隻經典嘅台灣食物同嘢飲。比較有驚喜嘅就係三文魚茶泡飯，係fusion菜，三文魚大大嚿之餘用日本米造嘅飯亦都吸收咗茶嘅清香味。叫咗兩杯嘢飲都幾好飲，水果茶入面有好多種唔同嘅水果，好清新解暑。同事亦都叫咗一個台式小食拼盤，入面有好多隻唔同嘅滷水食物，例如有雞翼豆腐等份量好多建議就同朋友一齊share食。

茶木‧台式休閒餐廳 (黃埔天地) 地址: 紅磡黃埔天地美食坊(第8期)1樓113號舖電話茶木在香港竌立了很多年，發展到有好多分店，不時都會有新茶式同甜品，去多次都唔會悶。跟$38配溏心蛋，作為高蛋白質輕盈小食。麻辣豬耳個人私心，愛麻勁濃味的小食，滋味開胃街頭小食拼盤是多客人點的大人氣小食，鹽酥雞，炸花枝丸，台灣香腸，各有各好味同吸櫻花蝦湯娃娃菜，叫左太多熱氣濃味菜式，要返一碟菜鹽酥雞排肉燥飯，肉燥單獨在白米飯已令人食唔停口，加埋炸得酥香的雞排，岩曬喜歡食肉架人，飽肚滿足的份量，美味用餐！

茶木都幾多選擇，晚市仲有D套餐優惠都幾抵。鹽酥雞排肉燥飯雞排外皮酥脆，亦都有足夠調味，雞肉嫩滑。仲有D酸菜同埋青瓜係側邊做配菜! 另外，個溏心蛋好加分! 流心之餘好入味! 肉燥個醬汁調味幾好，唔會太咸，撈飯食都很OK! 墨汁花枝麻醬手工拌面呢款面可能手工關係，食落真係比較彈牙，有咬口! 麻醬帶微辣，而且係另上，可以自己調節多少。墨汁花枝都好好食。因為同朋友都好鐘意食甜品，叫左2款! 抹茶鮮果流心歐軟出黎個效果好震撼，份量好多，抹茶醬係帶少少苦個種，相當濃郁! D多士條好脆，點少少抹茶醬食好正! 抹茶雪糕都好大球，好食!奶茶雪糕草莓吉士croffle 配Croffle外皮酥脆，中間就有D煙UN的口感! 雪糕有幾款味道簡，奶茶味都幾濃郁! 唔係假甜。四色啵啵花生豆乳凍同四色啵啵芝麻豆乳凍都係新出架! 推介!

茶木‧台式休閒餐廳 (黃埔天地)📍紅磡黃埔天地美食坊(第8期)1樓113號舖一講起台灣菜一定會諗起「茶木」，今日去開黃埔經過茶木見到有新嘢～「黑眼圈小隊」，又有新限定推出食物🍽決定同朋友黎試😆😆茶木用QR CODE落單，超級方便👍晚市二人餐 $259 (2個小食、2個主食、2杯跟餐飲品）黃金鹽酥雞(半份)🐔鹽酥雞即叫即炸，炸得好香又卜卜脆，令人想食完一粒又一粒🐔😍紅油抄手(半份)🥟每份有4粒🥟，有幾粒青瓜係旁邊解辣👍味道不錯！台式麻辣半筋半肉手工拌麵🐮牛筋牛腩各有3件左右，已經煮到好淋，食落牛肉味濃，手工拌麵好煙韌，質感好好，會有少少麻辣味，麻中帶辣，辣中帶香，好好食呀😍而且重有一件素鴨同一件鴨血，令人覺得成份拌麵好豐富😍十分推薦👍烏魚子元貝手作麵 🍝手作面相當彈牙煙韌，就好似係台灣會食到嘅意麵，醬汁勁creamy，兩粒元貝好大粒同煎得岩岩好，好正😍一定會再Encore😋😋櫻花蝦魚湯浸娃娃菜(半份) +$24🦐🥬魚湯有鮮味，亦好多櫻花蝦係面，好足料👍四色啵啵 豆乳 (餐) +$10🥜飲品上面有4色小芋圓，飲落重會飲到粒粒花生碎同豆腐花，而且好重花生豆乳味，好有層次感！如果中意食花生味嘅

黃埔呢間茶木坐位闊落，燈光柔和，整體環境舒服。叫咗兩個晚市升級套餐加小食，茶香三文魚湯潰飯，升級配黑糖薑母茶同可頌窩夫，同烏魚子元貝手作麵，配士多啤梨特飲，同埋雪糕。先來黑糖薑母茶，入邊好多薑絲，黑糖同薑味濃郁，飲完成身暖晒。士多啤梨特飲，賣相好靚，草莓味濃郁，口感有啲沙冰，同上面啲奶蓋好夾。跟住就嚟三文魚漬飯，三文魚都幾厚身，即刻加啲上湯落去，配搭埋啲蝦米、脆米同木魚絲，超級鮮甜。三文魚整得剛剛好，唔會太硬，同茶漬飯好夾。元貝手作麵賣相都好吸引，有兩粒煎到脆卜卜嘅元貝喺面頭，底下好多配菜。麵汁味道係非常濃郁嘅芝士奶油味，同蔬菜、菇類同埋元貝都好啱。手作麵都好好食，煙韌彈牙。再來三杯雞配新竹米粉，三杯雞香味濃郁，杏鮑菇炒到好鮮甜。有個慢火玻璃兜燒住，味道越嚟越濃。小食鹽酥雞，起初望落好似有啲乾身，點知食落去都幾多汁彈牙，面頭炸粉又唔會太厚，估佢唔到。台式烤香腸，香腸甜甜地，有少少彈性，都幾好食。窩夫，好香嘅牛油味，同上面啲杏仁片味道配搭好好，口感一流。雪糕就好濃嘅奶茶味，配好多彈牙珍珠。