一幻拉麵 (已結業)

政府宣布又收緊限令，又冇晚市，唉。所以喺12月10日之前約咗朋友岀嚟食個晚餐，就佢返工個位置，所以選擇咗喺中環附近搵餐廳，一路行一路揾最後揀咗一間我哋未食過嘅拉麵店。會比呢間拉麵吸引到嘅原因係因為見到佢廣告牌上面嘅「特濃蝦汁叉燒拌麵」，好少見到有拌麵食搞到有啲興趣，同埋對於好似我鐘意食重口味嘅人特濃兩隻字好吸引。再加上係香港限定，冇理由唔去試吓。第一次食拉麵嘅拌麵，唔知應該點期待。一食落去啲味道爆岀嚟，蝦汁嘅味道非常濃郁，而且味道同啲配料亦都非常夾。整體來講我十分推介呢個拌麵，等晚市限聚令完咗之後會再嚟食多次。