酒津

營業中

休息中

朋友帶路嚟試一間樓上舖，唔講真係唔識，嚟到居然坐滿晒熟客，即刻期望值大增。燒老翁魚係是日時令菜式，聽店員推介試吓，估唔到係全晚最回味嘅菜式。鮮紅嘅魚身令我第一時間諗起喜之次，食落的確好相似，因為魚油好足，每一分魚肉都好幼嫩水潤，亦有佢獨特嘅鮮甜味。 朋友平時真係唔食魚，點知最後仲食得多過我。川海老唐揚香口乾爽，外脆內軟有蝦味，比起炸白蝦更好味。鵝肝蘋果脆片漢堡食到我期望厚切甘香幼滑嘅鵝肝，少少可惜係漢堡包冇濺到脆身，唔係就完美喇。特上魚生卷驚喜嘅係鋪咗海膽，魚生都食得出好新鮮，米飯粒粒分明做得幾好。串燒有幾樣大路嘢我必定會叫，牛舌、雞翼同免治雞肉棒都係水準以上，牛舌厚切juicy，雞肉棒配咗蛋香味極濃嘅蛋黃，令人回味。 安格斯牛小排多汁肉味濃。海膽醬烏冬真正物超所值，海膽、牡丹蝦同原隻蟹鉗真材實料，鮮甜到不得了，海膽醬香口Creamy，一路食一路擔心佢蝕錢，必點。