華園餃子館

營業中

休息中

之前曾經因為米芝蓮到過北角阿鴻小食，試過一款芥抹雞腳筋，做法特別個味道麻麻，今天與朋友到寵物街勝利道，路過一間餃子店，發現有款叫酒醉雞腳筋的小食，於是入去試試。座低後發現原來間舖雖然細，但食物有好多選擇，首先點了酒醉雞腳筋，然後加兩個酸辣湯，一牒羊肉酥餅，再加個十三么餃子及一個鮮茄餃子。先試雞腳筋，相信絕對比用芥抹做好得多，酒味十分濃，咬落彈牙，非常好。然後試個酸辣湯，比一般所謂的上海舖做得出色，用料多兼酸辣比例啱啱好。跟住試個羊肉酥餅，因即叫即整，上枱時還是熱辣辣，最啱呢種咁凍既天氣試，朋友不大喜歡食羊，試過後亦覺得好味，不太酥，不食羊的人亦可以接受。最後試餃子，太多款關係，已經不記得邊款打邊款，不過可以食得出唔同味道，啱想試新嘢既朋友。另多再加的鮮茄餃子，雖然清淡，但原來番茄做既餃子又幾好味，於是臨走時加咗外賣買俾屋介人試。因為唔多好意思影相，所以無相俾各位睇。不過下星期會去試多次，因為問過老闆娘，原來佢地都有款麵同阿鴻小食既蝦籽撈麵差唔多，不過用既蝦籽正好多，因為食次已經試得太多嘢，所以留番下次再試。呢餐價錢雖然貴，但以呢個區啲舖租嚟講亦自合理，值得推介。