俊軒越南餐廳

營業中

休息中

餐廳係永吉街呢條橫巷入面，地點都幾方便。餐廳雖然鋪頭細細，但睇得出裝修都花左心思，放左好多越南色彩的畫同帽。一食之下，超級驚喜，樣樣都好地道好好食，原來係正宗越南人主理。鵝肝醬牛肉法包套餐$68 呢個係即叫即焗，所以要等一陣。職員叫我地要襯熱食。一咬落去，法包面超級脆！但入面係好鬆軟，真正的外脆內軟😍真係未食過咁高質素的法包！聽到職員同食客的對話，原來法包係餐廳揾人訂做，根據餐廳自己的食譜，難怪咁好食！入面的餡料都十分豐富，烤牛肉份量驚人，好香口惹味，加埋靈魂的鵝肝醬，咸咸香香，另外仲有酸菜，成個配搭係💯🤤配餐好抵食，價錢已經包左一杯熱飲，性價比一流！招牌火車頭湯檬$90 原本想叫蕃茄蟹肉湯檬，但原來中午就賣晒，下次要早d黎。但呢個火車頭湯檬都好好食😋湯底好清甜，應該用左好多牛骨，牛肉同香料煲成。面頭仲加左大量牙菜，金不換，葱，洋葱提升層次。入面的配料好豐富，有熟牛，牛根，牛栢葉，牛丸同生牛肉。最鍾意生牛肉，入口嫩滑又鮮味🤤招牌海南雞半隻$90全部雞肉去晒骨，雞肉好嫩滑好香！半隻份量都好大碟，配埋秘制的香辣汁更惹味😆咸梅青檸梳打$28咸咸地酸酸地，幾解渴👍🏻總括來說，呢間小店食物質素爆