影片
更多
2018-09-18
530 瀏覽
今晚來到太平道飲嘢、食嘢，仲有驚喜添。呢間係酒吧又係餐廳，門口整咗電話亭，都幾出位。入面第一重係酒吧區，裝修都幾靚㗎，望落去好整齊，乾淨，企理，啲歌又好廳，唔似得好多係尖沙咀嗰啲，硬係覺得陰陰濕濕，黐黐立立，仲好鬼死嘈，坐多陣都周身唔自在。入面第二重係半餐廳半酒吧位，有梳化坐，更加舒服。呢度除咗有happy hour 優位之外，仲有其他special promotion，例如飲一支酒送一個扒，都幾吸引㗎。可惜我哋酒量有限，無福消受。飲品我哋叫咗Gunner、Lemon Squash and Orange Juice。嘢食我哋叫咗半打生蠔、24個月黑毛豬火腿伴芝士拼盤、火焰西班牙黑毛豬鞍扒，意式辣腸薄餅、仲幾多個好出名嘅甜品The Love of EiffelGunner 裡面有薑啤，飲落好醒神。Lemon Squash 整得好靚。Orange Squash生蠔好新鮮，好鮮甜，肉質好嫩唔韌，又唔腥。個拼盤夠晒大盤，材料又多，夠晒我哋食。芝士味道濃郁，沙律菜好新鮮。黑毛豬火腿好正，嗰種鹹香味好正，令人難忘，可惜只有4塊。黑松露餅乾，味道好香濃。薄餅熱辣辣，好香。餅底夠脆口。芝士軟腍腍，辣肉
入面第一重係酒吧區，裝修都幾靚㗎，望落去好整齊，乾淨，企理，啲歌又好廳，唔似得好多係尖沙咀嗰啲，硬係覺得陰陰濕濕，黐黐立立，仲好鬼死嘈，坐多陣都周身唔自在。
入面第二重係半餐廳半酒吧位，有梳化坐，更加舒服。
呢度除咗有happy hour 優位之外，仲有其他special promotion，例如飲一支酒送一個扒，都幾吸引㗎。可惜我哋酒量有限，無福消受。
飲品我哋叫咗Gunner、Lemon Squash and Orange Juice。
嘢食我哋叫咗半打生蠔、24個月黑毛豬火腿伴芝士拼盤、火焰西班牙黑毛豬鞍扒，意式辣腸薄餅、仲幾多個好出名嘅甜品The Love of Eiffel
Gunner 裡面有薑啤，飲落好醒神。
Lemon Squash 整得好靚。
Orange Squash
生蠔好新鮮，好鮮甜，肉質好嫩唔韌，又唔腥。
個拼盤夠晒大盤，材料又多，夠晒我哋食。芝士味道濃郁，沙律菜好新鮮。
黑毛豬火腿好正，嗰種鹹香味好正，令人難忘，可惜只有4塊。
黑松露餅乾，味道好香濃。
薄餅熱辣辣，好香。餅底夠脆口。芝士軟腍腍，辣肉腸少少辣幾惹味。
起初見個黑毛豬鞍扒無咩特別。
後來，職員用酒點了火，淋落塊豬鞍扒上，一齊燒，當堂香氣出晒嚟。
塊豬鞍扒好腍身，一切即開。
一啖咬落去，係幾乎會化開，味道好正，點少少沖繩海鹽來食仲正。
最後係上個甜品。原來係一個巴黎鐵塔載住啲精緻甜品，件件都好靚，好似精品咁，唔捨得食。
都仲未止呀! 職員在個盤加水，撞起啲乾冰，即時冰霧四散，隔離左右啲人都嘩嘩聲，羡慕死。
今晚原本係來飲嘢食嘢啫，竟然有火燒又有冰霧睇，好有驚喜啊!
張貼
