成發海鮮小廚

營業中

休息中

2019年3月20日（星期三）市政大廈食肆格局，比九龍城街市舖環境好得多。通風、光猛、衞生企理，枱與枱距離闊落。欖菜炒涼瓜茄子麵醬蒸豬板筋有相為證，小菜賣相靚仔，大大碟，份量十足。涼瓜唔係一般軟淋淋嗰種，而係採取清、脆、爽，回甘路線，成功開闢涼瓜新煮法。有鑊氣，清新可喜、與眾不同！麵豉醬咸味適中，好惹味，茄子索滿麵豉肉末香昧，有層次，豐腴可口！本來夜媽媽冇諗過要食咁飽，但小菜出色想KO淸碟，結果叫咗兩飯一粥，埋單唔駛160蚊，認真抵食！