影片
更多
2022-06-25
3099 瀏覽
金鐘簡直係美食沙漠， 價錢又貴，選擇又少， 所以我間中都會嚟幫襯呢間社企餐廳。 而家嘅餐廳會有好多唔同嘅噱頭或宣傳， 但係有良心，有社會企業責任既餐廳真係好少，疫情下有好多社企餐廳都已經倒閉，經營唔到落去， 所以更加要多多支持仍然存在嘅社企餐廳。Ibakery 位於添馬公園政府總部樓下， 環境好優美，有一大片草地，有 室內室外嘅座位供選擇， 坐嘅位置好舒適好闊落， 仲可以預先訂座。我今個月幫襯咗兩次，餐牌好快唔同左。第一次叫咗A餐蒜香大蘑菇燒烤醬排骨伴時蔬及方旦馬鈴薯， B餐蛋黃白汁西蘭花芝士焗長通粉， 以及D餐日式蒲燒鰻魚伴時蔬配滑蛋飯。每一個午市套餐都配有餐湯， 南瓜薯蓉湯真係配有南瓜粒，湯身比較濃稠，唔會稀溜溜。A餐蒜香大蘑菇燒烤醬排骨伴時蔬及方旦馬鈴薯，一上碟已經覺得擺碟好靚，賣相好吸引， 賣相絕對唔輸貴價高級西餐廳。 燒烤醬排骨好入味， 肉身都算嫰， 大蘑菇都算juicy，既好睇又好食。B餐蛋黃白汁西蘭花芝士焗長通粉， 有一隻溫泉蛋舖係面，吉穿果下好治癒，令成個長通粉更creamy。D餐日式蒲燒鰻魚伴時蔬配滑蛋飯，賣相都好吸引，蒲燒鰻魚好大條，有小小骨但唔算多， 雖然呢度嘅蒲
Ibakery 位於添馬公園政府總部樓下， 環境好優美，有一大片草地，有 室內室外嘅座位供選擇， 坐嘅位置好舒適好闊落， 仲可以預先訂座。
我今個月幫襯咗兩次，餐牌好快唔同左。
第一次叫咗A餐蒜香大蘑菇燒烤醬排骨伴時蔬及方旦馬鈴薯， B餐蛋黃白汁西蘭花芝士焗長通粉， 以及D餐日式蒲燒鰻魚伴時蔬配滑蛋飯。
每一個午市套餐都配有餐湯， 南瓜薯蓉湯真係配有南瓜粒，湯身比較濃稠，唔會稀溜溜。
A餐蒜香大蘑菇燒烤醬排骨伴時蔬及方旦馬鈴薯，一上碟已經覺得擺碟好靚，賣相好吸引， 賣相絕對唔輸貴價高級西餐廳。 燒烤醬排骨好入味， 肉身都算嫰， 大蘑菇都算juicy，既好睇又好食。
B餐蛋黃白汁西蘭花芝士焗長通粉， 有一隻溫泉蛋舖係面，吉穿果下好治癒，令成個長通粉更creamy。
D餐日式蒲燒鰻魚伴時蔬配滑蛋飯，賣相都好吸引，蒲燒鰻魚好大條，有小小骨但唔算多， 雖然呢度嘅蒲燒鰻魚唔係好肥美果種，但味道都唔錯。 滑蛋飯就有少少失望，太過稀溜溜唔夠滑同甜。成個飯食完好飽飽。
第二次叫咗A餐香煎兔翁牛柳配時蔬及煙肉薯蓉， 以及D餐木魚麵豉醬焗鯖魚柳配鮮香菇扒豆腐。 今次係配蘑菇湯， 我自己就鍾意南瓜湯多過蘑菇湯。
A餐香煎兔翁牛柳配時蔬及煙肉薯蓉， 同樣又係擺盤好靚，賣相好吸引。我無試到呢個，但朋友比左7.5分，話整體都唔錯。
D餐木魚麵豉醬焗鯖魚柳配鮮香菇扒豆腐，個餐有好多唔同食材配搭，食落覺得層次幾豐富， 調味恰到好處，鯖魚柳食到魚既鮮味，而唔係雪味， 鮮香菇扒豆腐都好味， 雖然份量睇落好少， 但食完都夠飽， 美中不足係條魚有骨既，以為鯖魚柳淨係肉添
PS 由於呢間餐廳聘請左大量殘疾人士，有好多店員可能智力較低，所以落單時太複雜會聽唔明，或者理解得較慢，請大家落單時可以盡量簡單， 同埋比多啲耐性及包容，佢地自力更生好唔容易，亦都好值得尊敬
PS2 如果唔想食飯，ibakery 都仲有好多曲奇或蛋糕賣，下次節日或者送禮時可以多個選擇
張貼
