柏景餐廳 (已結業)

之前見到佢網上預購有55折優惠，又好耐無食過buffet所以就買咗。食物嘅選擇唔算好多，有蟹腳、蝦、青口、蜆、壽司、刺身、串燒、天婦羅、燉湯、麵檔、蝦餃燒賣、燒牛肉、蚊香腸、幾款熱食同甜品雪糕，都叫算係咁啦。個燉湯幾好味，平時唔係好鐘意飲中湯嘅我都飲咗2盅。雪糕係movenpick,仲有好多topping 俾你任加，開心！一個成人加一個長者連加一盛惠400蚊，都幾抵玩。但正價嘅話三舊幾水一個大人就有其他更好嘅選擇。