羅麥記 (已結業)

今日萬聖節，我同同事諗住一齊食luch商量今晚去邊happy😂，我地今日放luch遲左，於是乎就去左康怡廣場既羅麥記到食因為好多餐廳出餐都好耐，但呢到呢野食最多都係等十分鐘到就有得食😋😋我地兩個女仔一去就岩岩就有兩位唔洗等好好彩，因為通常去食luch等位都好耐😫，但係呢到啲侍應執枱都好快，好快就有坐低於是乎我就叫左佢地新出既波菜吞拿魚白汁焗通粉。😌因為我好耐無去呢到食過，但最後一次食既時候都好好味😍！今次就決定試下新野。等左八分鐘到已經有得食，個通粉面上面全部都係吞拿魚同波菜，分佈得好平均，唔會好似出面啲餐廳咁求求其其！因為我份人比較懶，唔會撈埋佢食，但比我發覺到一樣野😂😂佢地個通粉底都一早撈過，唔會啖某某！再架埋上面果層白汁同啲波菜吞拿魚，簡直一絕😜。至於飲品方面，我見天氣涼涼地所以我叫左杯熱奶茶🍵，茶味唔會太澀，飲落去都好香幾滑。到埋單每人都係六十蚊左右。我覺得都唔太貴😌，感覺上比上一次進步得多，希望可以出多啲新既野食，下一次一定會再去食過再同大家分享😤😤！