影片
更多
2021-04-18
838 瀏覽
今日在灣仔工作完已經差不多三點鐘，急忙搵嘢醫肚，行吓行吓走咗入機利臣街見到 jean may 坐滿人，而且冇 book 位，一定唔使諗冇得食，再行前兩步嘅金輝點心連門口兩張檯都坐滿咗，本來肚餓嘅我更加肚餓⋯⋯過對面想去幸屋食拉麵，突然見到前面有間好光猛，地方好寛敞嘅食肆，裡面也有數檯正在用膳，抬頭一看見到「智尊酸菜魚」馬上有點失望。 因為酸菜魚一向都不是我杯茶⋯⋯所以⋯⋯正想離開⋯⋯點知有位侍應行出來，並好有禮貌咁叫我哋睇吓佢哋嘅下午茶餐牌⋯⋯當然不斷推介話好好味啦⋯⋯點解個 menu 係上海嘢同港式下午茶？？？上海嘢我當然啱啦，仲有港式西多士，沙嗲牛麵，熱狗🌭️⋯⋯開心哂馬上入去。地方大，光猛，整齊清潔 (目測)。下午茶餐牌有兩個，有京式及港式，因為太肚餓，立刻叫咗 👉🏼八仙醉雞，皇府紅燒肉。醉鷄賣相 ok 同時亦聞到陣陣酒香，點知入口⋯⋯出乎意料之外⋯⋯完全冇雞味，我知道唔會用新鮮雞做醉鷄，就算係用雪藏雞只要隻鷄浸得夠時間，都應該會有D味道。但呢碟雞冇味，要一邊食一邊點番D紹興酒咁就覺得有少少味，大家睇吓D相都可以見到D鷄有幾白⋯⋯☹️至於嗰紅燒肉，件數都唔少，味道比醉雞好好多，可以
過對面想去幸屋食拉麵，突然見到前面有間好光猛，地方好寛敞嘅食肆，裡面也有數檯正在用膳，抬頭一看見到「智尊酸菜魚」馬上有點失望。 因為酸菜魚一向都不是我杯茶⋯⋯所以⋯⋯正想離開⋯⋯點知有位侍應行出來，並好有禮貌咁叫我哋睇吓佢哋嘅下午茶餐牌⋯⋯當然不斷推介話好好味啦⋯⋯
點解個 menu 係上海嘢同港式下午茶？？？
上海嘢我當然啱啦，仲有港式西多士，沙嗲牛麵，熱狗🌭️⋯⋯開心哂馬上入去。
地方大，光猛，整齊清潔 (目測)。下午茶餐牌有兩個，有京式及港式，因為太肚餓，立刻叫咗 👉🏼八仙醉雞，皇府紅燒肉。
醉鷄賣相 ok 同時亦聞到陣陣酒香，點知入口⋯⋯出乎意料之外⋯⋯完全冇雞味，我知道唔會用新鮮雞做醉鷄，就算係用雪藏雞只要隻鷄浸得夠時間，都應該會有D味道。
但呢碟雞冇味，要一邊食一邊點番D紹興酒咁就覺得有少少味，大家睇吓D相都可以見到D鷄有幾白⋯⋯☹️
至於嗰紅燒肉，件數都唔少，味道比醉雞好好多，可以講係合格起碼有味道，三層肉煮得幾腍，仲有兩件小棠菜。
套餐仲有五個選擇可以配，上海麵，菜飯，白飯，擔擔麵及紅薯粉。
菜飯裏面有少少薑粒，但啲菜比較老，就係已經切咗絲都有食到啲菜根。上海麵就好味，真心嘅，滑滑有少少咬口，亦煮得啱啱好唔太腍，又唔硬 👍🏼
雖然個套餐只係一般，但杯檸檬餐茶竟然有三片大檸檬🍋，而家外面嘅下午茶邊度有咁多檸檬俾你飮呀⋯⋯呢個係今日個下午茶餐𥚃面除咗上海麵外，最抵讚嘅地方啦 👏🏼👏🏼👏🏼👏🏼
張貼
