影片
更多
2021-09-16
984 瀏覽
以前去日本旅行，總有一兩餐血拼到冇時間食飯，就隨意去食碗牛肉飯，而家冇得去日本，好彩東京チカラめし開到嚟香港，今日就一於嚟朝聖。雖然嚟到已經接近下午茶時間，不過都仲係要等位，好彩等咗一陣就有得入座。店外店內都掛有大大個餐牌，所以喺等候時間已經揀啱咗食乜，然後入座後就以QR Code落單。芝士燒豚肉丼加$10仲可以變加大，飯同豚肉都增量咗。豚肉唔嚡口，配合埋拉絲芝士，整體味道不錯。野菜燒牛肉定食就更加豐富，包括有味噌湯同沙律。野菜燒牛肉野菜同牛肉嘅份量都相當豐富，而佢嘅野菜除咗有椰菜之外，仲有芽菜同洋蔥喺入面，蔬菜混合咗牛肉汁就更加好味。味噌湯唔會過鹹，而且入面仲有油揚同豆腐。沙律係我最鍾意嘅椰菜絲，上面仲加咗粟米，枱上放有和風汁，可以混入沙律一齊食。店面講明用日本產米，所以佢嘅白飯都零瀉好味。我仲追加咗溫泉玉子，咁樣食日本牛肉飯先夠正宗夠香滑。泡菜味道就不過不失，始終都唔係日本專屬嘅菜式，但混合牛肉飯一齊食又確係唔錯。唐揚炸雞夠水準，而且一啲都唔貴，又可以加多個餸！小食選擇相當多，所以我哋仲加配咗餃子。呢度除咗令我尋回日本牛肉飯嘅味道，佢哋嘅服務亦都非常親切有禮，果然日本引入嘅餐廳喺員
店外店內都掛有大大個餐牌，所以喺等候時間已經揀啱咗食乜，然後入座後就以QR Code落單。
芝士燒豚肉丼加$10仲可以變加大，飯同豚肉都增量咗。豚肉唔嚡口，配合埋拉絲芝士，整體味道不錯。
野菜燒牛肉定食就更加豐富，包括有味噌湯同沙律。
野菜燒牛肉定食
$65
26 瀏覽
1 讚好
0 留言
味噌湯唔會過鹹，而且入面仲有油揚同豆腐。
沙律係我最鍾意嘅椰菜絲，上面仲加咗粟米，枱上放有和風汁，可以混入沙律一齊食。
店面講明用日本產米，所以佢嘅白飯都零瀉好味。
我仲追加咗溫泉玉子，咁樣食日本牛肉飯先夠正宗夠香滑。
溫泉玉子
$15
9 瀏覽
1 讚好
0 留言
唐揚炸雞夠水準，而且一啲都唔貴，又可以加多個餸！
唐揚炸雞
$15
6 瀏覽
1 讚好
0 留言
呢度除咗令我尋回日本牛肉飯嘅味道，佢哋嘅服務亦都非常親切有禮，果然日本引入嘅餐廳喺員工培訓方面都能夠做到日本人嘅標準，每一位員工無論係說話、送餐、清理枱面等等，每一個步驟都會係從客人嘅角度出發，雖然只係食一個平民日本飯，但有呢種服務質素我真係覺得絕對值回票價！
張貼
