宗像屋 (已結業)

呢間小店，吧台上有兩位師傅好專心咁準備料理😍menu選擇唔算多，改名亦好有意思，梅、竹、松，感覺彷彿不止是食刺身，還有意境😍我地叫了兩份梅，份量已經夠食，裡面有北寄貝、希靈魚、鯛魚、吞拿魚等八種魚嘅刺身，口感嫩滑，有時食到魷魚又會有爽口感覺。檯的旁邊有張紙貼住教大家刺身飯三食的步驟，首先食一塊油甘魚的刺身做前菜，第一種食法是用紫菜包飯，整手卷，第二種食法是食魚生飯，第三種是將食剩的三分一飯裝落碗到，叫waiter幫忙加湯，變成泡飯..個人都是鍾意食魚生飯多，至於泡飯的湯好好飲，我會剩少些飯放落泡飯到，btw...湯會令到魚生變熟，如果你唔鍾意食熟嘅魚生，就放少啲魚生落泡飯到啦