町町丼丼 (威靈頓街) (已結業)

今次去呢間日式丼飯專門店，位於威靈頓街嘅町町丼丼order外賣，有好多款丼飯和日式小食選擇，呢一區嚟講，性價比認真高。店內有個飲品櫃，可以自選健康嘅冷泡茶或者汽水。我揀咗冷泡白桃烏龍，茶味都幾香！而每個外賣嘅餸同主食都分開擺放，好細心👍🏻返到去，依然keep到水準。韓式牛肉部隊鍋配烏冬：我選擇再加$4轉烏冬，配料好豐富，有香腸、豆腐、金菇、泡菜、午餐肉，湯底色澤鮮紅微辣帶甜，同爽滑嘅烏冬麵好夾。吉列豬扒蕎麥麵豬扒外層金黃，入口酥脆，肉質不柴有汁，個人覺得蕎麥麵再凍冰冰啲會更好。汁燒鰻魚丼鰻魚大大條，肉質嫩滑又juicy，照燒醬汁甜甜地，有濃郁嘅烤香味，份量都算多，唔錯！