漢和韓國料理 (已搬遷) 新店位置

勁差勁惡劣嘅一次用餐體驗。已經幫襯過漢和兩次，都無事覺得還好嘅。今次食就出事。食晚飯中途都無乜事，去到尾聲時有隻曱甴係枱下面爬上枱面，之後再爬上盒裝飲品上。嚇到我飛起，連餘下嘅食物都無食。一開始同咗個侍應講，佢淨係用紙巾包住隻曱甴拎走就算。無晒胃口之下拎埋張單打算去搵經理同佢反映同埋單走人。一開始向個著住西裝嘅女侍應講，但佢無出聲，淨係搵咗個經理黎。本身從來無諗住唔比錢就走，主要係想向個經理反映佢地衛生情況好唔掂。點知個經理話我地坐咗好耐都差唔多啦。言下之意係咪覺得我地食咗好多野已經掋返？佢本身想我地速速比錢，我同佢講完話有曱甴之後先話免收加一。重要問我隻曱甴係咪由盒飲品度走出來。攞埋影咗有曱甴嘅相比佢睇都無反應，完全勁無奈。最嬲係由頭到尾一啲歉意都無，淨係想快啲收咗錢了事。以後都唔會再幫襯。呼籲想去幫襯嘅人要三思，依個價錢值得去第二間更好嘅食肆。