峇峇娘惹 (彌敦道) (已結業)

我本身去緊另一間想試嘅餐廳👣，喺街行行吓又見到呢間「峇峇娘惹」，突然又有啲想食咖央多士🥪，二話不說入去坐低，係一間有啲茶記Feel嘅馬拉菜。結論：女人就係善變㗎啦🤫~————————————————👅豬扒滲滲喇沙（$56）👍🏻滲滲即係油麵加米粉，兩種麵一粗一幼，口感幾特別。椰香濃度適中🥥，食落口腔有陣陣辣感，香茅豬扒乾乾地，有預先切開少少易啲咬，其餘配菜有芽菜、炸豆卜同魚片頭👅 馬來拼盤（$56）🔸咖喱配油酥餅：咖喱係有餘韻嘅辣🍛，油酥餅較薄，無咁一層層手抓餅咁酥脆🔸素菜春卷：包住椰菜同紅蘿蔔等，爽口清新🔸香茅骨：條狀嘅香茅炸豬肉條🔸香茅雞翼：又係同雞肉好夾嘅香茅味，厚肉咬落幾爽👅班蘭咖央多士（$28）👎🏻 兩片包多士中間，夾住薄薄一層嘅咖央，食咖央多就係想多醬，明顯呢份唔係好夠醬，邊位都無醬，同食淨包無分別🥲，而且咖央有香氣又唔夠重味，多士要烘得再脆啲👅凍馬拉拉茶 （+$10）🔸 拉茶唔係好似拉茶，即係唔太甜同泡唔夠綿密，似普通奶茶多啲———————————————— 🚩總結：有更好的馬來西亞菜選擇🇲🇾———————————————— 🌟注意：另收加一服務費—————————————